Lokali
Tista’ ssellem lill-pets tiegħek b’mod dinjituż – il-kremazzjoni f’Malta

L-Island Sanctuary Malta, wara sena ta’ laqgħat biex kisbet il-permessi neċessarji, issa se tkun qed toffri servizz ġdid li ħafna sidien tal-annimali xtaqu matul is-snin.

Kulħadd jaqbel kif l-annimali li nrabbu jsiru parti mill-familja u n-nuqqas ta’ tislima dinjituża lill-ħlejqiet li jikbru magħna minn dejjem weġgħet lil bosta.

F’Malta, għall-ewwel darba, qed jiġi offrut is-servizz ta’ kremazzjoni tal-pets. L-aġenzija mhux governattiva qed titlob li l-pubbliku jkun ġeneruż u jagħti d-donazzjonijiet tiegħu għax-xiri ta’ inċiniratur.

L-inċiniratur jiswa madwar l-€24,000.

Is-santwarju tal-annimali qed jippjana li joffri dan is-servizz lill-pubbliku b’miżata żgħira biex ikopri l-ispejjes.

Is-sidien tal-annimali jistgħu jekk iridu jżommi l-irmied tal-maħbubin annimali tagħhom.

Min jixtieq jagħti donazzjoni jista’ jagħti s-sehem tiegħu fuq dan il-link www.islandsanctuary.com.mt jew b’SMS bin-numri – 5061 7368 (€2.33), 5061 8082 (€4.66), 5061 8935 (€6.99).