Lokali
Tista’ tgħid “aw ġisem” lil xi mara li tkun għaddejja fit-triq?

Il-fastidju sesswali jista’ jsir ukoll fit-triq bħal per eżempju jkun hemm xi ħadd li jgħid “aw ġisem” jew “aw sbejħa” lil xi tfajla jew mara li tkun għaddejja.

Meta kienet qed tieħu sehem fil-programm TVAM, Dr Lara Dimitrijevic mill-Women’s Rights Foundation, qalet li Franza daħlu liġi dwar dan it-tip ta’ fastidju u kien hemm l-ewwel każ ta’ persuna li nstab ħati u weħel 3 xhur ħabs.  Żiedet tgħid li fl-Ingilterra din ukoll qed tiġi kkunsidrata li tidħol fil-liġi Ingliża.

Dwar il-liġi Maltija, Dr Dimitrijevic qalet li l-Women Rights Foundation ipproponietha meta kienet qed issir il-konsultazzjoni dwar il-Konvenzjoni ta’ Istanbul u sostniet li l-fastidju sesswali ma baqax japplika biss għal każi li jseħħu fuq il-post tax-xogħol imma b’mod ġeneriku.

Intant, fil-programm Ras imb Ras tal-bieraħ, Dr Dimitrijevic tkellmet dwar l-istupru u kemm ġieli l-vittmi jdumu biex jitkellmu dwar dak li għaddew minnu, bħalma ġara fil-każ tal-allegazzjonijiet li qed jiffaċċja Cristiano Ronaldo.  Dr Dimitrijevic spjegat kif ikun hemm min idum biex jaċċetta dak li ġralu u sostniet li f’każi ta’ din ix-xorta m’għandux ikun hemm preskrizzjoni.

TVAM jixxandar mit-Tnejn sal-Ġimgħa bejn is-7am u d-9am, filwaqt li Ras imb Ras jixxandar ukoll mit-Tnejn sal-Ġimgħa fis-7.30pm.

Tista’ terġa’ tara dawn il-programmi fuq TVMi.

Aħbarijiet Oħra
Partit Nazzjonalista

Il-President tal-Kunsill Ġenerali tal-Partit Nazzjonalista Kristy Debono qalet fi stqarrija li sabet li 84 mill-200 firma fil-petizzjoni li titlob biex jitlaqqa’ l-Kunsill Ġenerali biex jiddiskuti l-ġejjieni tal-Kap tal-Partit Nazzjonalista huma…

Lokali

Ta’ tnax-il sena sofriet diżabilità minħabba mard u wara ħafna snin ta’ żwieġ kellha tifel bil-kundizzjoni down syndrome. Minkejja l-isfidi, Lorraine Pellicano tgħid li Thomas berkilha ħajjitha u ħerqana li…

Lokali

Meqjusa fost l-ewwel tobba f’Malta li bdiet taħdem bla heda mal-vittmi tad-droga, ħidmet it-tabiba Maria Sciberras tfakkret f’konferenza f’għeluq il-25 sena mit-twaqqif tal-Aġenzija Sedqa u fil-jum internazzjonali kontra l-abbuż u…

Lokali

Ħafna mix-xogħol fl-industrija tal-kostruzzjoni jinsab wieqaf. Dan ġie konfermat kemm mill-Kamra tal-Periti kif ukoll mill-Assoċjazzjoni tal-Iżviluppaturi. Dan fid-dawl tar-regolamenti l-ġodda li saru mill-Gvern dwar ix-xogħol ta’ skavar, twaqqigħ u kostruzzjoni…

Aktar