F’dawn l-aħħar jiem Sandra Agius Darmanin, riċerkatriċi li ilha taħdem tmien snin mas-sajjieda rikreazzjonali qalet f’post fuq Facebook li dan l-aħħar inzertat għadd ta’ ritratti mtella’ fuq il-midja soċjali ta’ bosta nies li f’dawn il-jiem qed jerħulha qalb il-bċejjeċ tal-baħar u l-ilma kaħlani bit-tama li jaqbdu erba’ ħutiet. Qalet, li bosta qed jagħtuha għas-sajd għall-ewwel darba.

F’dan l-isfond f’kummenti lil tvm.com.mt ir-riċerkatriċi qalet li fost ir-ritratti onlajn innotat ħut perikoluż fosthom ta’ skorfon li l-aktar li ssibhom fejn ikun hemm il-blat u ta’ traċni li normalment jokkupaw żoni mrammlin.

Is-Sinjura Agius Darmanin qalet li dak li jkun m’għandux jintefa’ jistad kif ġieb u laħaq. Qalet, li l-pubbliku għandu joqgħod b’seba’ għajnejn hekk kif tip ta’ ħut bħat-traċni u l-iskorfon għandhom daharhom u l-ġenb ta’ rashom miksija xewk u biex tlaqqat tingiża daqs tazz’ilma. Perikolużi wkoll, is-Silver-cheeked toadfish li għandha valenu qawwi u l-Mediterranean moray eel li tigdem ġmielu, fost l-oħrajn.

Ir-riċerkatriċi appellat biex dak li jkun qabel ma jmur jistad jagħmel ftit riċerka u jsir aktar midħla tal-ħut li hawn fl-ibħra tagħna. Issuġġeriet, biex min imur jistad iġorr miegħu ftit misħun biex jekk jibla’ xi xewka m’idu jkollu biex itaffi l-valenu u l-uġigħ.

Għal aktar tagħrif, ir-riċerkatriċi ħeġġet ‘il-pubbliku jikkuntattjaha jew iżur dan is-sit.

Christian Martin, Silver-cheeked toadfish

Fabio Damato, Rockfish

Fabio Damato, Rockfish

Fabio Damato, Rockfish

Fabio Damato, Rockfish

Sandra Agius Darmanin, Mediterranean moray