Lokali
Tiżwiqa ta’ mużika b’żewġ festivals bejn ir-Rebbiegħa u s-Sajf

Tiżwiqa ta’ mużika bejn ir-Rebbiegħa u s-Sajf bejn il-Festival Malti ta’ Mużika Dinjija u l-Jazz festival. Organizzati minn Festivals Malta, bejniethom għandhom joffru varjetà ta’ ġeneri ta’ mużika kemm minn talent lokali u anke minn mużicisti barranin.

It-tieni edizzjoni tal-Malta World Music Festival se jkun qed jagħmel ir-ritorn tiegħu fit-18 u d-19 ta’ Mejju fil-Forti Sant Iermu. Fuq medda ta’ żewg iljieli, sitt atti internazzjonali minn madwar id-dinja kollha se jkunu qed juru d-diversità, il-kobor u l-vivaċità li x-xena mużikali moderna għandha x’toffri. Minn interpretazzjonijiet kontemporanji ta’ forom mużikali antiki għall-espressjonijiet iżjed puri ta’ tradizzjonijiet folkloristiċi, l-iskeda għandha x’toffri lid-dilettanti tal-mużika ta’ kull tip. Oriġinarjament festival folkloristiku li issa ġie mtejjeb, il-fesitval ta’ Mużika Dinjija jħaddan mużiċisti internazzjonali rebbieħa ta’ premjijiet u artisti lokali emerġenti fid-dinja tal-mużika.

L-appuntament tas-sajf ta’ Festivals Malta huwa l-Jazz Festival li jiftaħ fis-sittax ta’ Lulju sal-21 ta’ l-istess xahar. Wara s-suċċess tas-sena l-oħra, il-Jazz Festival se jerġa’ jtella’ bla ħlas il-kunċerti ta’ nofsinhar kif ukoll il-masterclasses.

“Il-Malta Jazz Festival hu l-uniku avveniment tal-kalibru tiegħu li jippromwovi u jiċċelebra l-jazz lokalment. Dan l-avveniment ta’ ġimgħa jservi ta’ vetrina f’post uniku għal artisti internazzjonali inkluż dawk ta’ kalibru għoli,” qalet Annabelle Stivala, Direttur tal-Festivals.

L-ikbar isem tal-Jazz fid-dinja huwa Chick Corea, li se jkujn prezenti ghall-jazz Festival ta’ Malta li fis-sena fejn il-Belt qed ticcelebra t-titlu tal-Kapitali Ewropea tal-Kultura, se jkollu tizwiqa ta’ talenti partikolari.

“Hemm parteċipazzjoni importanti Maltija din is-sena. Għandna lill-Malta Orchestra Big Band taħt it-tmexxija ta’ Paul Abela. Għandna grupp li jismu Blue Tangarine li huma kollaborazzjoni bejn mużicisti żgħażagħ Maltin u Franciżi u serje ta’ kunċerti ta’ nofsinhar quddiem il-Parlament b’parteċipazzjoni Maltija,” fisser Sandro Zerafa, Direttur Artistiku.

Il-Malta Jazz Festival se jkun mifrux mill-Belt sa Ta’ Liesse fejn 27 sena ilu dan il-festival beda jkun appuntament annwali.

Aħbarijiet Oħra
Stejjer Umani

Koppja li ftit tax-xhur ilu adottat tifel mill-Indja esprimiet il-ferħ tagħha fuq is-siti soċjali, kif ukoll wasslet messaġġ biex it-tfal jiġu mgħallma iktar dwar id-diversita’, b’mod partikolari mill-ġenituri stess. Biex…

Kronaka

Viżibilment taħt xokk, Joseph Attard li lbieraħ kien fil-mira tal-ħalliel fil-ħanut tiegħu f’Ħaż-Żabbar, irrakkonta ma’ TVM kif hu, flimkien ma’ żewġt iħbieb tiegħu rreżistew il-ħalliel li anke spara b’arma tan-nar….

Kunsilli Lokali

Il-kunsilli ser ikollhom pubblikazzjoni maħsuba apposta biex tgħinhom jiksbu fondi addizzjonali minn programmi tal-Unjoni Ewropea. Dan tħabbar mis-Segretarju Parlamentari għall-Fondi Ewropej u DAaron Farrugia u s-Sur Parnis. Iż-żewġ Segretarji Parlamentari,…

Kronaka

Kuntistabbli tal-Pulizija stazzjonat fl-Iskwadra ta’ Kontra d-Droga llejla ngħata l-kura fl-isptar wara li sofra xi ġrieħi waqt il-qadi ta’ dmirijietu. Il-każ ħareġ fil-pubbliku permezz ta’ post fuq il-paġna ta’ facebook…

Aktar