Titħabbar riforma fil-Pensjoni tad-Diżabilità

Matul is-sena d-dieħla l-Gvern ħabbar li se jkun qed jibda riforma fil-pensjoni tad-diżabilità wara li sentejn ilu żdiedet ir-rata tal-benefiċċju tat-tfal b’diżabilità.

Qal li din ir-riforma se taħseb f’dawk li minħabba d-diżabilità tagħhom ma jistgħu qatt ikunu f’pożizzjoni li jaħdmu u b’hekk jikkumplimentaw id-dħul mill-pensjoni mad-dħul mix-xogħol.  Dan ifisser li mis-sena d-dieħla se ssir riforma f’dan il-qasam fejn se jistabbilixxi tliet livelli ta’ ħlasijiet skont il-livell ta’ diżabilità.

L-ewwel livell se jkun jikkonċerna lil dawk il-persuni b’diżabilità li assolutament ma jistgħux jipparteċipaw fid-dinja tax-xogħol skont il-Barthel Index.  Dawn se jkunu qed jirċievu l-ogħla rata ta’ benefiċċju li se tiżdied, bit-tir ikun li eventwalment u gradwalment, din ir-rata tkun ekwivalenti għall-ammont nett li persuna ddaħħal mill-Paga Minima.

It-tieni livell se jkun bħal dak imħallas illum u se jkun qed jiġbor fih lil dawk il-persuni li d-diżabilità tagħhom taqa’ fil-parametri tal-Att dwar is-Sigurtà Soċjali u jkunu jaħdmu jew jistgħu jaħdmu. Hawnhekk, il-Gvern se jkompli bir-riforma li permezz tagħha, mijiet ta’ persuni b’diżabilità daħlu fid-dinja tax-xogħol għall-ewwel darba.

It-tielet livell se jkun qiegħed gradwalment jiġbor fih diżabilitajiet li sal-lum għadhom m’humiex koperti bil-liġi u persuni li sal-lum ma jieħdux benefiċċju. Dan ifisser li persuni taħt is-60 sena li għax għandhom riġel jew dirgħajn wieħed nieqes, sal-lum m’humiex ikkunsidrati bħala persuni b’diżabiltà għall-fini tal-Pensjoni tad-Diżabilità.

Barra minn hekk, għal dawk li se jkunu qed jieħdu l-Pensjoni tad-Diżabbiltà fl-ewwel livell, id-dħul li jkun ġej minn xi benefiċċji jew pensjonijiet oħra, anke minn barra, mhux se jibqa’ jiġi ikkunsidrat fl-assessjar tal-eliġibilità tal-Karta r-Roża.

Għal dawk fit-tieni livell, id-dħul mill-impjieg mhux se jibqa’ jiġi kkunsidrat fl-assessjar tal-Karta r-Roża. B’dan il-mod, il-Ministru qal li se tkun qed issir ġustizzja meta tqis li ħafna mill-persuni b’diżabilità jkollhom bżonn ta’ attenzjoni medika.

Miżura oħra li se tiddaħħal hija li persuni li jirċievu l-Pensjoni tad-Diżabilità u li jkunu eliġibbli għall-mediċini b’xejn se jibdew jingħataw il-Karta r-Roża għal sena u mhux għal tliet xhur kif qed jiġri illum.  Qal li dan se jiffranka ħafna tbatija u skariġġ għall-persuni infushom u għal qrabathom.

Aħbarijiet Oħra
Kronaka

Anzjan ta’ 75 sena residenti l-Pieta’ tilef ħajtu meta waqa’ għoli ta’ tliet sulari. Il-każ seħħ ftit wara s-sebgħa ta’ llejla meta l-anzjan instab mal-art fl-inħawi ta’ ġnien li jinsab…

Lokali

Fil-ġranet li ġejjin, l-awtoritajiet tas-saħħa mistennija jagħmlu funeral tal-foqra lil erba’ persuni, li tlieta minnhom għandhom il-karta tal-identità Maltija li ilhom aktar minn xahrejn abbundannati fil-kamra mortwarja. Ma’ TVM, id-Direttur…

Lokali

Mil-lum il-bdiewa li jkabbru l-patata bdew iħejju l-għelieqi tagħhom wara li fl-aħħar jiem għamlu l-kalkoli tat-telf li kellhom fl-aħħar sena minħabba r-riħ qawwi u s-silġ li niżel fil-grigalata ta’ tmiem…

Lokali

Fit-tmien ġimgħat tal-għasir tat-tadam, bejn Lulju u Awwissu se jiġu proċessati mas-sitt elef tunnellata tadam li jinġabru mingħand mitejn bidwi f’Malta u Għawdex. Fil-fabbrika tal-ikbar produttur fl-ipproċessar tat-tadam, jidħlu medja…

Aktar