Konsumatur
Titħajjar? Xorb, sigarri u tabakk maqbuda mid-Dwana jinsabu għall-bejgħ

Id-Dipartiment tad-Dwana qiegħed joħroġ għall-bejgħ bl-offerta kwantità ta’ xorb alkoħoliku, birra, inbid, sigarri u tabakk tal-brim.

Dawn il-prodotti li nqabdu f’dawn l-aħħar xhur mid-Dwana qed jinqasmu f’85 lott. Ix-xorb alkoħoliku jinkludi whisky, brandy, vodka, gin, rum, tequila, port, sherry, aperitives u liquers.

Il-bejgħ bl-offerta’ se jsir nhar il-Ġimgħa 29 ta’ Marzu 2019, f’nofsinhar.

Kull min hu interessat jara l-lottijiet tal-oġġetti  li qiegħdin jitpoġġew għall-bejgħ jista’ jagħmel dan mit-Tnejn 25 ta’ Marzu 2019 sa dakinhar tal-bejgħ (il-Ġimgħa 29 ta’ Marzu 2019, f’nofsinhar).  L-affarijiet jinsabu għall-wiri fi Newport Bonded Stores, il-Marsa.

Aktar informazzjoni dwar il-kobor ta’ kull lott jinstabu fuq il-formola tal-offerta li tista’ tinkiseb minn Newport Bonded Stores, il-Marsa.

Il-ħinijiet tal-wiri huma bejn it-8am u nofsinhar u bejn in-1230pm u t-3.30pm.

Aħbarijiet Oħra
Sajd

Idejh jafu jinsġu l-qasab għan-nases, anke b’għajnejh magħluqa. Bis-sengħa tan-nases fid-demm, Ġanni Xuereb, magħruf bħala Ġanni l-Pipi, illum jgħodd iktar minn 80 sena, u għadu ma telaqx in-namra max-xogħol tiegħu, …

Edukazzjoni

Is-sajf wasal biex jintemm u dħalna fl-aħħar ġimgħa qabel ma jerġgħu jibdew l-iskejjel. Iżda x’inhuma s-sentimenti tal-ġenituri u l-istudenti dwar l-bidu tas-sena skolastika ġdida? TVM tkellem mal-ġenituri u l-istudenti. Mal-wieħed…

Lokali

Waqt l-aħħar tislima li ngħatat lil Enrica lbieraħ fil-knisja ta’ San Ġiljan, inġabru €10,000 għal Puttinu Cares. Enrica kienet tgħożż il-familja ta’ Puttinu li tant tawha kuraġġ u sabar waqt…

Edukazzjoni

The Rotary Malta Clubs are calling for applications from residents of Malta wishing to pursue a post-graduate degree. The scholarship offered to Maltese residents is worth $ 30,000 and is…

Aktar