Lokali
Jirritorna l-presepju ħaj ta’ Betlem f’Għajnsielem

It-tħejjijiet għad-disa’ edizzjoni ta’ Betlem f’Għajnsielem jinsabu fl-aqwa tagħhom, hekk kif nhar il-Ħadd li ġej, l-10 ta’ Diċembru, dan il-villaġġ tan-Nattività ser jiftaħ uffiċjalment il-bibien tiegħu għall-pubbliku. Dan tħabbar waqt konferenza tal-aħbarijiet tal-Ministru għal Għawdex Justyne Caruana flimkien mas-Sindku u Kunsilliera tal-Kunsill Lokali ta’ Għajnsielem.

Animat b’aktar minn 150 attur

L-edizzjoni ta’ din is-sena se tkompli ssaħħaħ l-esperjenza unika tal-Milied f’Għawdex. Il-Ministeru għal Għawdex ra li l-attività Betlem f’Għajnsielem għandha tkompli ssir bil-kontribut tal-kunsill lokali, tal-parroċċa u tal-għaqdiet kollha ta’ Għajnsielem sabiex bħal kull sena tkun suċċess bi presepju mifrux fuq medda ta’ 20,000 metru kwadru ta’ art u animat b’aktar minn 150 attur.

Attrazzjoni li qed tkompli tikber u tattira udjenza kbira – il-Ministru Caruana

Il-Ministru Caruana rringrazzjat lis-Sindku Franco Ciangura u lill-Kunsill Lokali ta’ Għajnsielem tal-impenn li qed juru biex din l-attrazzjoni tkompli tikber u tattira udjenza minn sena għal oħra kif ukoll lil għadd ta’ voluntiera u għaqdiet volontarji li jipparteċipaw fiha.

Attrazzjonijiet ġodda għal din is-sena – is-Sindku ta’ Għajnsielem

Franco Ciangura, Sindku ta’ Għajnsielem, ta spjegazzjoni dettaljata tal-attrazzjonijiet ġodda li ġew varati għal din is-sena bi skop li t-tradizzjoni lokali tibqa’ sinonima u tissaħħah f’dawn il-jiem ta’ festi. Is-Sindku għamel stedina biex in-nies tattendi u tesperjenza xi ħaġa unika għal pajjiżna fejn it-tradizzjonijiet u l-kultura Maltin ġew amalgamati mal-istorja tan-Nattività.

Betlem f’Għajnsielem ser jiftaħ għall-pubbliku nhar il-Ħadd, 10 ta’ Diċembru 2017 u jibqa’ miftuħ sal-Ħadd, 7 ta’ Jannar 2018 fejn jgħalaq is-separju bil-wasla tat-3 Slaten Maġi u l-adorazzjoni tal-Bambin Ġesù.

Għal aktar informazzjoni, wieħed jista’ jżur is-sit ta’ Facebook – Betlem f’Għajnsielem.

Ara wkoll:

Betlem f’Għajnsielem ipoġġi lil Malta bħala l-aqwa destinazzjoni fid-dinja għal btajjel fil-Milied – CNN

 

Aħbarijiet Oħra
Lokali

Tlett ijiem wara li l-Awtorità tal-Ippjanar wettqet azzjoni ta’ nfurzar f’razzett f’Ħal Qormi fejn 110 immigranti legali instabu jgħixu f’dak li suppost kien razzett tal-baqar, crew minn TVM reġa’ żar…

Knisja Maltija

Il-kariżma, it-taħdidiet u l-omeliji ta’ Monsinjur Victor Grech baqgħu jiġbdu l-ammirazzjoni tal-ħafna li jfittxu li jsegwu l-quddies tiegħu. Wara li serva bħala direttur tal-Caritas għal kważi 40 sena, illum għadu…

Lokali

Sitt personalitajiet televiżivi jinsabu fi triqithom lejn l-Indja bħala parti mill-programm il-Proġett fuq TVM, biex jgħinu fil-bini ta’ istitut tat-tfal. Uħud mill-personalitajiet li nafuhom għall-komiċità fuq it-televiżjoni, fosthom Ġorġ tad-Doughnuts…

Kronaka

Turist, Ġermaniż ta’ 68 sena li kien qed jgħum barra l-għar tad-Dwejra Għawdex instab mejjet wara li sab diffikultà fil-baħar. TVM huwa infurmat li l-inċident seħħ ftit wara l-5pm. Kien…

Aktar