Kurżitajiet
Titkeċċa l-kumpanija li tfassal l-‘underwear’ tar-Reġina

Kumpanija li kienet tissupplixxi ħwejjeġ ta’ taħt lir-Reġina tilfet il-warrant irjali wara li ppubblikat ktieb li żvela dettalji dwar ir-riċipetti rjali.

Rigby & Peller, kumpanija Ingliża li toħloq ħwejjeġ ta’ taħt lussużi ilha bil-warrant irjali mill-1960.

Il-warrant ġie rtirat wara li June Kenton, li kienet tfassal riċipetti għar-Reġina kitbet ktieb imsemmi ‘Storm in a D-Cup’.

Mrs Kenton qalet li ma kien hemm xejn fil-ktieb li huwa offensiv jew li jweġġa’ dak li jkun u qalet li d-deċiżjoni kienet waħda li ma temminx.

Buckingham Palace qal li mhux jikkummenta fuq l-ebda kumpanija partikolari.

Fi stqarrija, il-kumpanija qalet li tinsab immensament iddispjaċuta bid-deċiżjoni u ma xtaqitx tikkummenta aktar b’rispett lejn ir-Reġina.

Il-bijografija ta’ Kenton li ġiet ippubblikata f’Marzu tal-2017 tagħti dettalji taż-żjarat irjali tagħha.

Kenton qalet li Buckingham Palace sitt xhur ilu qalulha li ma kienx f’loku l-ktieb u ma niżilx tajjeb mal-familja rjali.

Hija qalet li fil-ktieb ma tiżvelax x’kien jiġri wara l-kwinti u x’kienet tagħmel mar-Reġina u mal-Prinċipessa Margaret. Kenton jiddispjaċiha li ma kkonsultatx mal-Palazz Buckingham qabel ipubblikat il-ktieb.

Aħbarijiet Oħra
Familja Rjali

Id-Dukessa ta’ Sussex Meghan Markle żvelat x’kellha mistur fil-libsa tat-tieġ. Minkejja li għajnejn bosta kienu fuq il-libsa li kienet liebsa meta żżewġet lill-Prinċep Harry, ħadd ma nduna li fil-libsa kellha…

Kurżitajiet

Terry Laurmen, penzjonant ta’ 75 sena, iddeċieda jiddedika l-biċċa l-kbira ta’ ħinu lill-qtates tas-santwarju Wisconsin Safe Haven Pet Sanctuary f’Green Bay. Laurmen qal li dan is-santwarju jilqgħek għaliex il-qtates mhumiex imsakkrin…

Barranin

Żagħżugħa ta’ 19-il sena mietet tliet ijiem biss wara li żżewġet lir-raġel li kienet tħobb minn meta kienet għadha tifla. Nina Marino ta’ 19-il sena kellha marda terminali. F’Mejju, 2017…

Kurżitajiet

Sid ta’ qattus baqa’ skantat u mnixxef meta ra li l-qattus ħa miegħu d-dar basket mimli droga. Fi Bristol, xħin qam sid il-qattus sabu b’basket ħdejh bi droga bi trap…

Aktar