Lokali
Titnieda app biex il-pubbliku jgħaddi s-suġġerimenti tiegħu għall-Baġit 2020

Fil-Budget għall-2014 il-Ministru għall-Finanzi, Edward Scicluna kien ħabbar bonus għal min ma ħallasx biżżejjed kontribuzzjonijiet biex ikun eliġibbli għal pensjoni wara li xi ħadd kien ressaq suġġeriment b’email.

Bil-għan li jiffaċilità l-mod kif il-pubbliku jressaq is-suġġerimenti tiegħu, għall-Budget 2020 li se jiġi ppreżentat fl-14 t’Ottubru li ġej, il-Ministeru għall-Finanzi għadu kif nieda mobile app li tista’ titniżżel bla ħlas kif spjegatilna l-analista ekonomika fil-Ministeru, Angela Buttigieg.

“L-app hija sempliċi ħafna biex tintuża, tistaqi biss tliet affarijiet – l-età, il-ġeneru u post fejn qegħdin tikteb l-ideat tiegħek, kif tagħmilhom tagħfas submit u l-idea tidħol awtomatikament għand il-Ministeru għall-Finanzi fejn hemm team apposta li jien parti minnu fejn se nevalwaw dawn l-ideat u naraw jekk humiex fattibli u vijabbli li jidħlu fil-Budget”

Angela Buttigieg ħeġġet lill-pubbliku biex iressaq l-ideat kemm jista’ jkun malajr qabel it-tfassil tal-miżuri tal-budget u appellat biex l-app tintuża biss għall-proposti realistiċi li jistgħu jiddaħlu fil-budget.

Bħala parti mill-konsultazzjoni mal-pubbliku qabel il-budget, fl-aħħar jiem il-Ministeru organizza wkoll sensiela ta’ laqgħat li matulhom il-pubbliku kellu l-opportunità jressaq proposti u jekk xi ħadd ma setax jattendi, issa se jkun jista’ jibgħat l-ideat b’din l-app.

Aħbarijiet Oħra
Saħħa

Is-Supretendenza tas-Saħħa Pubblika qalet li qed tagħmel moniteraġġ kontinwu fuq is-sitwazzjoni fiċ-Ċina u li qed isegwi l-pariri tal-Organiżżazzjoni Dinija għas-Saħħa (WHO). Fi stqarrija, intqal li Malta qed tieħu l-prekawzjonijiet kollha wara…

Mużika

Inawgurata fis-sena 1989, CAP-Sounds hija aġenzija tal-produzzjoni u l-ippubbiklar tal-mużika fil-qalba tal-Ġermanja li dejjem tat sapport u sostenn lill-artisti Maltin; sa mill-1996 meta Miriam Christine rrapreżentat ‘l Malta fil-Eurovision Song…

Mużika

Il-Malta Music Awards wara ħames snin wieqaf se jerġa’ jkun il-pjattaforma li tagħti viżibilità akbar lill-artisti Maltin li matul is-sena l-oħra ħadmu biex joħorġu diska jew album oriġinali. Iċ-Chairman tal-Malta…

Aktar