Lokali
Titnieda konsultazzjoni dwar l-istandards soċjali regolatorji għas-servizzi ta’ respite għal persuni b’diżabilità

Is-Segretarjat Parlamentari għall-Persuni b’Diżabilità Anthony Agius Decelis nieda għal konsultazzjoni pubblika l-istandards li għandu jkun hemm fis-servizzi tar-respite provduti minn entitajiet privati u volontarji bil-għan li s-servizz ikun regolat u ta’ kwalità.

L-operaturi kemm fis-settur privat kif ukoll għaqdiet li jipprovdu s-servizz ta’ respite lil familji li għandhom persuni b’diżabiltà qed jintalbu jagħtu l-fehmiet tagħhom dwar standards regolatorji li wieħed jistenna li jkun hemm f’dawn is-servizzi li se jiġu liċenzjati.

Il-Kap Eżekuttiv tal-Awtorità għall-Istandards tal-Ħarsien Soċjali Matthew Vella qal li l-linji gwida huma bbażati fuq seba’ prinċipji bbażati fuq il-prinċipji ta’ dinjità, il-privatezza, l-għażla u t-twettiq tal-potenzjal tal-individwu. Qal li dawn l-istandards għandhom jgħinu kemm lil persuni b’diżabilità kif ukoll lill-carers tagħhom għax huma mmirati li jtejbu l-kwalità tas-servizz offrut. Is-sur Vella qal li għandu jkun hemm ftehim iffirmat bejn l-operaturi u dawk li jingħataw is-servizz.

Matthew Vella qal “bħala Awtorità aħna responsabbli mill-moniteraġġ, naħdmu bi djalogu u kollaborazzjoni sħiħa ma’ service providers differenti. Kull service provider qiegħed fi proċess li jingħata liċenzja biex jopera fis-servizz ta’ wens soċjali u żgur li qed nagħmlu moniteraġġ minn persuni kompetenti f’dan is-settur”.

Is-Segretarju Parlamentari Anthony Agius Decelis qal li b’dawn l-istandards għandhom iserrħu moħħhom li l-persuni b’diżabilità ser jingħataw servizz tal-għola kwalità. Is-sur Decelis qal li l-Gvern ser jinvesti aktar f’dawn is-servizzi li jagħtu nifs lil qraba tal-persuni b’diżabiltà.

Anthony Agius Decelis qal “il-Gvern fil-budget tal-2019 investa miljun Ewro biex il-Gvern flimkien mas-settur privat qiegħed joffri 7,600 ġurnata permezz ta’ 21 slot li għandu lill-persuni b’diżabilità severa ħalli l-ġenituri tagħhom ikunu jistgħu jużaw din il-faċilità”.

Is-Segretarju Parlamentari ħeġġeġ lil kull min għandu għal qalbu s-settur tad-diżabilità biex sal-aħħar tas-sena jibgħat il-kummenti u s-suġġerimenti tiegħu dwar dak li qed jiġi propost fil-linji gwida u fl-abbozz legali.

Aħbarijiet Oħra
Lokali

Għadd ta’ mogħoż ilhom jumejn jidhru jduru fuq l-irdum f’Wied iż-Żurrieq, fl-inħawi tal-Munqar. Ir-ritratt, li ttieħed ilbieraħ minn post magħruf bħala l-Ħnejja, juri madwar sitt mogħżiet. Wara li r-ritratt ittella’…

Kronaka

Żewġ xufiera ta’ coaches dalgħodu rrikorrew għall-kura f’ċentru tas-saħħa wara ħabta fl-ajruport internazzjonali ta’ Malta. L-inċident seħħ għall-ħabta tas-6.00am bejn coach tal-Aviaserv u coach tal-AirMalta, li ma kinux qed iġorru…

Xogħol

Il-Ministru Edward Zammit Lewis, filwaqt li nieda l-Premju Nazzjonali Ħaddiem tas-Sena, qal li l-ekonomija tistrieħ fuq il-ħaddiem, u li dan il-premju jirrikonoxxi l-bżulija. Iċ-Chairperson tal-kumitat organizzattiv, Angela Agius, spjegat li…

Kultura

Waqt konferenza tal-aħbarijiet tħabbar il-kunċert innovattiv bis-sehem tal-mużiċisti tal-banda, Ħuġġieġa tal-Banda 12th May b’għajnuna ta’ fondi mill-Kunsill Malti għall-Arti. Il-banda 12th May ta’ Ħaż Żebbuġ bħalissa qed tipprepara għall-proġett Ħuġġieġa,…

Aktar