Lokali
Titnieda l-ewwel ‘wine trail’ u jitħabbar il-Vintners’ Open Weekend

Is-Segretarju Parlamentari għall-Biedja, Sajd u Drittijiet tal-Annimali Clint Camilleri nieda l-ewwel rotta tal-inbejjed, jew wine trail, f’pajjiżna filwaqt li ħabbar li se jkun hemm il-Vintners’ Open Weekend is-Sibt 21 u l-Ħadd 22 ta’ Settembru.

B’kollox fil-gżejjer tagħna hawn madwar 800 persuna li jkabbru d-dwieli u bejniethom jikkultivaw madwar 430 ettaru ta’ dwieli u ħafna mill-produzzjoni llum hija mmirata lejn l-IĠT u d-DOK. Il-produzzjoni ta’ dawn l-inbejjed hija garantita u l-inbejjed kollha li għandhom il-marka DOK u IĠT ġew iċċertifikati f’laboratorji akkreditati barra minn Malta.

Sa issa f’Malta u Għawdex hawn 12-il għassara jew produtturi tal-inbid DOK u IĠT b’madwar żewġ miljun flixkun fis-sena, produzzjoni li nistgħu ngħidu hija stabbilita, bl-aktar erba’ varjetatjiet popolari jkunu l-Girgentina, ix-Chardonnay, il-Ġellewża u l-Merlot.

Is-segretarju parlamentari qal li fl-okkażjoni tat-tnedija ta’ din il-wine trail, is-segretarjat qiegħed jorganizza open weekend, flimkien mal-wineries. Din hi opportunità għal kulħadd sabiex jigi apprezzat ix-xogħol ta’ kull minn hu involut fil-katina tal-valur tal-inbejjed ta’ kwalità. Huwa temm billi ħeġġeġ lil kulħadd sabiex jattendi l-Vintners’ Open Weekend  li se jsir nhar is-Sibt u Ħadd 21 u 22 ta’ Settembru.

Il-wineries li wieħed jista’ jżur huma sebgħa  (Marsovin, Delicata, Montekristo, Maria Rosa, Ta’ Betta, Meridiana u Ta’ Mena). Aktar informazzjoni dwar ħinijiet u għassara li ser ikunu qegħdin jipparteċipaw tinstab fuq il-paġna Facebook ‘Dok Malta Dok Gozo’.

Aħbarijiet Oħra
Settur Marittimu

Il-kumpanija Valletta Cruise Port li tmexxi t-terminal tal-passiġġieri tal-cruise-liners u faċilitajiet oħra fil-Port il-Kbir qed tieħu miżuri favur l-ambjent biex tikseb ċertifikazzjoni ta’ port ekoloġiku. Intervistat minn TVM, il-Kap Eżekuttiv…

Knisja Maltija

L-Arċisqof Charles J. Scicluna appella għar-rispett lejn id-dinjità tal-mara waqt quddiesa li fiha talab biex terġa’ tinfetaħ il-kawża għall-beatifikazzjoni ta’ Adelaide Cini, li qal l-eżempju ta’ ħajjitha u l-ħidma li…

Qorti

Il-Qorti Kostituzzjonali laqgħet ir-rikors tal-Ministri Edward Scicluna, Konrad Mizzi u Chris Cardona biex ma jixhdux f’kawża kostituzzjonali iżda fi żmien jumejn iridu jippreżentaw s-silta minn fejn ikkwotaw ir-rapport tal-inkjesta Egrant…

Budget

Il-Ministru għall-Finanzi, Edward Scicluna qal li l-Budget ippreżentat ilbieraħ u r-reazzjoni ġenerali għalih huma turija li l-Gvern hu konxju tal-isfidi, l-opportunitajiet u l-ħtiġijiet tan-nies. F’konferenza tal-aħbarijiet l-għada tal-Budget, il-Ministru Scicluna…

Aktar