Kultura
Titnieda t-8 edizzjoni ta’ ŻiguŻajg

Varata t-tmien edizzjoni tal-Festival ŻiguŻajg, li ser tkun qed issir fuq medda ta’ għaxart ijiem. Din is-sena mal-150 artist qed jieħdu sehem f’numru ta’ proġetti artistiċi minn 11-il pajjiż differenti li fi kliem iċ-Ċermen tal-Fondazzjoni Kreattività, Rubert Cefai joħolqu spazju għall-artisti Maltin u barranin biex juru t-talent tagħhom u fl-istess ħin għat-tfal biex jitgħallmu japprezzaw l-arti minn ċkunithom.

B’sebgħa u għoxrin attività artistika, it-tmien edizzjoni tal-festival ŻiguŻajg toffri taħlita ta’ attivitajiet għat-tfal u l-adolexxenti.

Waqt il-ftuħ kien hemm żewġ gruppi mużikali Perkus’hawn u KażinSka li taw ħajja ġdida lil għażla ta’ diski minn ‘Għanijiet tat-Tfal’.

Daniel Azzopardi, Direttur tal-Festival, qal li ser jieħdu sehem mal-mija 150 artist, bl-artisti internazzjonali ġejjin fost oħrajn mill-Belġju, l-Iżvezja, Franza, il-Kanada, Spanja u l-Italja.

Daniel Azzopardi qal “meta tħares lejn il-programm għandna ‘l fuq minn 11-il pajjiż differenti u numru ta’ forom differenti t’arti, jiġiifieri teatru, ċirku kontemporanju, film, jiġifieri attivitajiet varjati bil-fuq minn 12-il forma”

Rupert Cefai, Ċermen tal-Fondazzjoni Kreattvità qal li l-festival Żigużajg huwa importanti għaliex joffri spazju għall-arti u l-kultura għal ġenerazzjoni żagħżugħa. Ħeġġeġ biex tiżdied il-parteċipazzjoni biex it-tfal u ż-żgħażagħ jesperjenzaw s-sħubija tal-arti b’mod iktar ħaj u kkulurit.

L-attivitajiet ta’ ŻiguŻajg se jsiru f’bosta postijiet u jibqgħu għaddejjin sa tmiem il-ġimgħa d-dieħla.

Aħbarijiet Oħra
Elezzjoni

Il-Kap tal-Moviment Patrijotti Maltin Henry Battistino qal li wara li ħareġ ir-riżultat tal-elezzjoni tal-Parlament Ewropew se jirriżenja. Fuq Facebook huwa kiteb li l-Partit li jħobb kellu disfatta u għalhekk se…

Lokali

Uffiċjali tad-Dwana mit-Taqsima tal-Propjetà Intellettwali nterċettaw container fil-Freeport li kien qed iġorr 26,688 qalziet tal-jeans ta’ ditta rinomata li però rriżultaw li kienu kontrafatti (foloz). Fi stqarrija maħruġa mid-Dwana ntqal…

Mużika

Il-grupp mużikali Meadow Strings ħareġ kanzunetta ġdida Alive. Meadow Strings huwa kompost minn Magdalene Farrugia u Mario Camileri. Fil-kanzunetta tagħhom, Alive huma japprezzaw is-sbuħija u l-importanza tal-ambjent. Miġbud qal is-siġar tal-Buskett…

Kronaka

Raġel ta’ 60 sena ndarab gravi wara li laqtitu l-karozza malli niżel minnha. L-inċident seħħ għall-ħabta tat-7.45am fi Triq ix-Xatt, il-Kalkara. Il-Pulizija tad-Distrett marru minnufih fuq il-post fejn minn stħarriġ…

Aktar