Lokali
Titqajjem kuxjenza dwar l-importanza li persuna tirrapporta l-abbuż

F’mixja kontra l-vjolenza domestika organizzata mill-Fondazzjoni Dar Merħba Bik u Good Shepard Sisters b’kollaborazzjoni mal-Kummissjoni dwar il-Vjolenza Domestika, ġie enfassizzat l-importanza li persuna tirrapporta l-abbuż.

Il-Kummissarju dwar il-vjolenza domestika Simone Cini qalet li l-attitudni li xi ħadd ma jindaħalx dwar x’jiġri bejn koppja trid tinbidel u lit-tfal minn età żgħira għandhom jiġu mħeġġa biex jitkellmu meta jaraw vjolenza jew bullying sabiex ma jikbrux f’adulti indifferenti għall-inġustizzji ta’ ħaddieħor. Qalet li l-vjolenza domestika mhix tan-nisa biss iżda tas-soċjetà kollha.

Elaine Pavia minn Dar Merħba Bik qalet li ħafna drabi l-ulied ikunu trawmatizzati u l-adulti lanqas biss jindunaw b’dan. Hija ħeġġet lin-nisa u lill-irġiel vittmi ta’ vjolenza domestika sabiex jirrapportaw u jfittxu l-għajnuna.

Il-President Marie-Louise Coleiro Preca qalet li l-għeluq tal-kampanja ta’ 16-il ġurnata ta’ attiviżmu dwar il-vjolenza domestika, jaħbat lejliet is-70 sena anniversarju mid-drittijiet tal-bniedem u sakemm is-soċjetà ma teqridx il-vjolenza domestika, dawn id-drittijiet ma jistgħux jitgawdew b’mod sħiħ.

Aħbarijiet Oħra
Lokali

Il-President George Vella qal li għandu riservi serji dwar il-legalizzazzjoni tal-marijuana rikreattiva. F’konferenza tal-Fondazzjoni Oasi, il-President stqarr li l-kannabis tista’ tkun ta’ benefiċċju għal skop mediku, iżda appella għal kawtela…

Lokali

Fil-Bajja tal-Balluta, bdiet tintuża teknoloġija ġdida biex ir-ramel minn qiegħ il-baħar jittella’ biex terġa’ tifforma l-bajja ramlija. Sandro Gatt, li huwa responsabbli mill-proġett f’isem il-Grupp Polidano, spjega lil TVM li…

Edukazzjoni

Wara li l-Ministeru għamel konsultazzjoni pubblika fuq l-uniformi tal-iskola mal-istudenti, l-għalliema u l-ġenituri, l-għażla tal-maġġoranza fost kull grupp kienet favur li l-uniformi tkun tracksuit komda u ta’ kwalità, inklużi poloshirt,…

Lokali

Pierre Portelli dar għall-mezzi soċjali u kiteb li l-Membru Parlamentari Nazzjonalista Karol Aquilina akkumpanja lil Manuel Delia l-Qorti fil-każ li għandu kontra l-midja tal-Partit Nazzjonalista. Dalgħodu fil-qorti kompliet il-kawża li…

Aktar