Kurżitajiet
Titwieled l-ewwel tarbija minn utru ta’ mara mejta li ġie trapjantat

Fil-Brażil twieldet tarbija bis-saħħa ta’ utru li ġie trapjantat minn fuq mara mejta. It-tarbija twieldet fil-15 ta’ Diċembru tas-sena l-oħra, bil-każ jiġi rrapportat issa fi studju fuq il-ġurnal akkademiku The Lancet.

It-tarbija hija l-ewwel waħda li ġiet konċeputa u mwielda minn utru li ġie trapjantat fuq l-omm mingħand mara oħra li kienet laħqet mietet. 10 trapjanti simili li saru fil-passat fallew jew irriżultaw f’korrimenti.

Sal-lum hemm 39 trapjant tal-utru magħrufa li saru permezz ta’ donaturi ħajjin, inkluż ommijiet li jagħtu l-utru lil binthom. Minn dawn it-trapjanti twieldu 11-il tarbija.

Dan iżda kien l-ewwel trapjant ta’ suċċess b’donatriċi mejta. Id-donatriċi kienet mara ta’ 45 sena li kellha tlett itfal, u mietet b’emorraġija fil-moħħ. Il-mara li rċeviet l-utru tagħha għandha 32 sena u kienet twieldet b’utru malformat, għalkemm kellha ovarji tajba.

L-utru tal-mara mejta għalhekk ġie mqabbad mal-ovarji tal-mara li xtaqet issir omm, li ngħatat mediċini li dgħajfulha s-sistema immunitarja biex ġisimha ma jirriġettax l-utru. Dan fil-fatt beda jaħdem tajjeb, u wara seba’ xhur il-bajd tal-mara, li kien ġie ffertilizzat bl-isperma tal-missier, tpoġġa fl-utru.

L-esperti mediċi qalu li dan il-każ jagħti tama ġdida għal ħafna nisa li għandhom bżonn utru, hekk kif id-donaturi ħajjin ta’ dan l-organu sal-lum huma rari ħafna.

Aħbarijiet Oħra
Barranin

Fir-Renju Unit bdiet it-tellieqa għall-mexxej tal-Partit Konservattiv li jmiss, wara li lbieraħ, Theresa May ħabbret li se tirriżenja x-xahar id-dieħel. Din l-elezzjoni mhux se tirriżulta biss f’mexxej ġdid tal-partit, imma…

Barranin

Mill-inqas 8 persuni ndarbu wara li pakkett suspettat b’bomba sploda fiċ-ċentru tal-belt Franċiża ta’ Lyon. Lyon hi t-tielet l-ikbar belt fi Franza. Il-Pulizija ssiġillaw ix-xena tal-inċident u bħalissa fuq il-post…

Unjoni Ewropea

Wara li lbieraħ bdew jivvutaw l-Ingliżi u l-Olandiżi, illum kien imiss lill-Irlandiżi u ċ-Ċeki biex joħorġu jivvutaw biex jaħtru d-deputati Ewroparlamentari. Fir-Repubblika Ċeka l-votazzjoni maqsuma fuq jumejn bil-għan li t-turnout…

Barranin

Is-sajf fl-Italja mistenni jkun ikkaratterizzat minn temp estrem, b’perjodu ta’ nixfa u xita qalila. L-esperti tat-temp fl-Italja ltaqgħu dan l-aħħar f’Ruma u qed ibassru li l-istaġun sajfi se jkun kemmxejn…

Aktar