Lokali
Tixhed it-tfajla li rat lil Liam Debono jtajjar lill-Kuntistabbli

Fil-kumpilazzjoni tax-xhieda fl-kaz tal-Liam Debono li huwa akkużat b’47 akkuża fosthom bl-attentat ta’ qtil tal-kuntistabbli Simon Schembri li seħħ fil-15 ta’ Mejju li għadda, xehdet it-tfajla li kienet l-ewwel waħda li rrapurtat il-każ lill-Pulizija.

Il-Qorti ordnat li isem it-tfajla ma jixxandarx u anke xehdet bis-sistema tal-video Conferencing. Hija ddeskriviet dak li rat għall-ħabta tat-tmien neqsin kwart ta’ filgħodu meta kienet fuq l-istage qed tistenna tal-linja fejn rat lill-kuntistabbli jieqaf quddiem il-karozza Mercedes biex warajh waqfet il-karozza misjuqa minn Liam Debono.

Hija qalet li huma waqfu żewġ metri biss ‘il bogħod minnha u spjegat li l-kuntistabbli waqqaf lill-karozza Mercedes u meta mar ħdejn ix-xufier u talbu l-ID card, ix-xufier għamel sinjal b’rasu li ma riedx. Qalet li l-kuntistabbli mar lura ħdejn il-mutur ikellem lil xi ħadd. Qalet li sadanitant Debono beda jsuq il-karozza bil-mod u l-Kuntistabbli mar quddiem il-karozza jipprova jwaqqfu iżda l-akkużat baqa’ jsuq.

Interrogata mill-Ispettur Fabian Fleri hija indikat ukoll lill-Qorti min kien ix-xufier fejn spjegat li kien waħdu fil-karozza. L-Avukat Difensur Amadeus Cachia li qed jidher għall-akkużat flimkien mal-Avukat Franco Debono staqsa lit-tfajla jekk il-kunstitabbli kienx quddiem il-karozza meta pprova iwaqqaf lis-sewwieq bit-tfajla twieġeb iva.

Il-Prosekuzzjoni mmexxija minn Pierguido Saliba u Fabian Fleri talbu wkoll lill-Qorti biex l-espert tal-Qorti jinghata l-password tal-mobile ta’ Liam Debono iżda d-difiża rrifjutat. L-ispettur Fleri talab il-Qorti biex tordna li l-espert jara jiftaħx il-mobile mingħajr il-password bil-Maġistrat Joe Mifsud approva t-talba.

Aħbarijiet Oħra
Lokali

Żewġ Maltin li jinsabu f’Tokyo kellhom sorpriża ħelwa li ħadd ma kien joħlomha. Waqt li kienu f’Tokyo, il-Maltin iltaqgħu ma’ żagħżugħ Ġappuniż li mhux talli jaf xi kelma ‘l hemm u…

Qorti

Bulgaru li jgħix San Pawl il-Bahar żgiċċa l-proċċeduri kontrih wara żball proċedurali għaliex id-dati tal-akkużi ma tniżżlux sew. Simeon Nikolaw Darakhiev kien akkużat b’hit and run fuq karozza fil-Qawra. Wara…

Saħħa

Iċ-Chairperson tal-Fondazzjoni Marigold u l-Alleanza Nazzjonali għall-Mard Rari Michelle Muscat appellat lin-Nazzjonijiet Magħquda biex tħeġġeġ lil kull pajjiż ikollu strateġija ħolistika li tgħin lill-pazjenti li jbatu bil-mard rari u lill-familji…

Ekonomija u Finanzi

Il-Borża ta’ Malta nediet tliet indiċi tal-bonds fis-suq. Iċ-Chairman tal-Borza ta’ Malta, Joseph Portelli, qal li dawn l-indiċi ġodda se jagħmluha faċli biex investituri jkunu jistgħu jqabblu b’mod faċli r-ritorn…

Aktar