Lokali
Tixtri mini moto għat-tifel iżda ma gawdiehx

NG Racing ta’ Ħaż-Żebbuġ ġie ordnat iħallas €350 lura lill-klijenta li xtrat mini moto.

It-Tribunal għal Talbiet tal-Konsumaturi sema’ li l-konsumatriċi kienet xtrat minn dan il-ħanut mini-moto li qatt ma ħadem u kellu jissewwa diversi drabi. Ir-rappreżentant tal-ħanut, fir-risposta tiegħu, saħaq li kien tort tal-konsumatriċi għax it-tifel ġera ħafna bil-mini-moto u għamillu l-ħsara.

It-Tribunal ikkonkluda li l-problemi bil-prodott bdew mill-ewwel, malli nxtara, u jidher li ma tgawdiex peress li kien dejjem bil-ħsarat. Il-ħanut ġie ordnat iħallas lill-konsumatriċi €350 u l-mini-moto għandu jsir proprjetà tal-ħanut malli jsir il-ħlas.

Aħbarijiet Oħra
Lokali

Ħarsa lejn l-istejjer ewlenin fil-ġurnali tal-lum Times of Malta tippubblika ritratt tal-oġġetti sagri tal-fidda f’ħanut tal-antikitajiet li huma propjetà tal-Ordni Agostinjana li għinu lill-Pulizija jsibu ċ-ċensier u n-navetta li kienu…

Partit Nazzjonalista

Il-Kap tal-Partit Nazzjonalista, Adrian Delia, qal li fl-14 ta’ Ottubru se jerġa’ jmur fil-Qorti Kostituzzjonali biex tinstema’ x-xhieda tal-Ministri Chris Cardona, Edward Scicluna u Konrad Mizzi u jgħidu kif ikkwotaw…

Edukazzjoni

L-għan taċ-ċentru interattiv tax-xjenza, Esplora, hu li jservi ta’ pont bejn it-teorija u l-prattika. Iċ-ċentru fil-Kalkara ppreżenta l-programm edukattiv għas-sena skolastika li ġejja lill-għalliema, li ngħataw preżentazzjoni dwar il-faċilitajiet u…

Kultura

Fil-Villa Schinas, f’Tas-Sliema, grupp ta’ żgħażagħ Slimiżi għaddejjin bit-tħejjijiet għad-dramm Demm il-Parrucchier, produzzjoni teatrali li ser tfakkar lil Manwel Attard, wieħed mill-vittmi tal-irvellijiet li seħħew fis-7 ta’ Ġunju, ta’ mitt…

Aktar