Barranin
Tixxaħħaħ għall-mediċina u tmut bl-influwenza

Għalliema mietet bl-influwenza wara li ddeċidiet li ma tieħux il-mediċina għax kienet tiswa wisq flus.  Heather Holland ta’ 38 sena kienet tgħallem fl-iskola ta’ Texas fl-Istati Uniti qabel ma mietet nhar il-Ħadd.  Hija ħalliet warajha lil żewġha u liż-żewġ uliedha.

Żewġha xtralha l-mediċina Tamiflu għall-prezz ta’ $116 (€94), jum qabel ma marret l-isptar, imma kien tard wisq.  Esperti qed jaħsbu li l-influwenza fl-Istati Uniti hija l-agħar li qatt kien hemm fl-istorja tal-pajjiż.

Ir-raġel tal-vittma, Frank Holland, qal lill-ġurnal Wall Street Journal li l-ewwel ma ħasset kien ħruq fi griżmejha, iżda mbagħad is-sintomi komplew jiggravaw matul il-ġimgħa.

It-tobba tawha mediċina li hi għażlet li ma tixtrix, għax skont żewġha dejjem kienet tgħix b’kemm tgħaddi, ma kinitx tħobb tonfoq ħafna flus.  Martu mietet malajr u għalhekk żewġha qed iħoss ħafna t-telfa tagħha.

Qal li kienu ilhom żmien twil flimkien u kienet kollox għalih u stqarr li qed jipprova jkun ta’ appoġġ għal uliedhom.  Anke l-ħaddiema u l-istudenti li kellha fl-iskola fejn kienet tgħallem għadhom ma jistgħux jaċċettaw it-telfa ta’ Heather.

Jirriżulta li sa minn Diċembru, l-iskejjel fl-Istati Uniti ilhom jiġu diżinfettati u jitnaddfu sew mill-mikrobi, tant li wħud minnhom anke saħansitra għalqu għal xi jiem, minħabba l-periklu li kkawżat l-influwenza din is-sena.

Esperti jistmaw li l-influwenza toqtol medja ta’ 12,000-56,000 Amerikan kull sena u l-ammont tal-vittmi din is-sena mistenni jkompli jiżdied, b’mod speċjali fost it-tfal.

 

Aħbarijiet Oħra
Kurżitajiet

Ingliża kellha triplets minkejja li kienet qed tieħu pillola li suppost kellha tkun kontraċettiv.  Hannah Donaghue ta’ 29 sena minn Northampton bdiet tieħu dawn il-pilloli 8 snin ilu wara li…

Barranin

Kulħadd xortih fid-dinja u jidher li l-qattus ta’ Karl Lagerfeld għandu xorti tajba. Chiupette għandu ċans li jiret mal-€172 miljun wara li sidu miet ilbieraħ fl-età ta’ 85 sena. Waqt…

Barranin

Jiftaħ uffiċjalment illum is-summit fil-Vatikan dwar il-prevenzjoni tal-abbużi sesswali fuq it-tfal, b’isqfijiet minn madwar 130 pajjiż. Din il-laqgħa għolja qed titqies bħala sforz ewlieni xprunat mill-Papa Frangisku biex tkun indirizzata…

Barranin

Shamima Begum, li ngħaqdet mal-grupp li jsejjaħ lilu nnifsu Stat Iżlamiku fis-Sirja meta kellha ħmistax-il sena, tilfet iċ-ċittadinanza tar-Renju Unit. L-avukat tal-familja Begum, qal li l-familja hija diżappuntata bid-deċiżjoni u…

Aktar