Barranin
Tiżvela li kienet f’xifer il-mewt waqt li kien qed jinġibed Game of Thrones

L-attriċi Emilia Clarke, li tinterpreta l-parti tal-prinċipessa Daenerys Targaryen fis-serje televiżiva Game of Thrones, żvelat li kienet f’xifer il-mewt waqt li kienet qed tinġibed is-serje.

Clarke, li għad għandha biss 32 sena, qalet li kellha bżonn żewġ operazzjonijiet f’rasha fl-2011 u fl-2013 meta sofriet minn emoraġġija f’rasha.

Hija rrakkontat li kienet qed tagħmel xi eżerċizzju meta ħassitha ħażin u kważi ntilfet minn sensiha mal-art bl-uġigħ li beda jtiha.

Clarke stqarret li kienet konvinta li se titlef ħajjitha għaliex terz tal-persuni li kollhom emoraġġija f’rashom jitilfu ħajjithom ftit wara.

L-attriċi rrakkontat ukoll l-ostakli li ffaċċjat wara l-operazzjonijiet meta qabditha kundizzjoni li ma ħallitiex titkellem jew tikkomunika ma’ ta’ madwarha.  B’inkwiet kbir hija ħasbet li se jkollha tieqaf tirreċta.

Din kienet bħal sajjetta fil-bnazzi għal Clarke liema marda baqgħet tarkar sal-2013 meta reġa’ kellha emoraġġija oħra. L-għejja u l-uġigħ kienu iebsin wisq, stqarret Clarke, tant li xi drabi kienet talbet lill-istaff mediku jħalliha tmut fil-paċi.

Iżda b’xorti tajba, l-attriċi fieqet u setgħet tirritorna lura u tkompli tinterpreta l-parti tal-prinċipessa Daenerys.

Aħbarijiet Oħra
Barranin

Dan hu l-mument fejn it-tarbija tat-twelid li ngħatat l-isem ta’ India nstabet f’basket tal-plastik f’Georgia l-Istati Uniti. Kienet il-bikja rqiqa tagħha li wasslet biex residenti fl-inħawi fejn intrema l-basket joħorġu…

Barranin

San Francisco sar l-ewwel pajjiż fl-Istati Uniti li pprojbixxa l-bejgħ tal-e-cigarettes. Dan sakemm ikun ċar x’effett għandhom fuq is-saħħa. Nhar it-Tlieta li għadda ġie vvotat biex ikun illegali li bejjiegħa…

Teknoloġija

Għall-ewwel darba, il-kumpanija tal-Facebook qablet li tagħti informazzjoni ta’ utenti Franċiżi li huma suspettati li jiktbu kliem ta’ mibegħda lill-Qorti meta tkun mitluba. Sal-lum il-ġurnata, Facebook ikoopera mal-Qrati Franċiżi fuq…

Barranin

It-taħditiet dwar il-kummerċ li se jsiru bejn il-President Amerikan Donald Trump u l-President Ċiniż Xi Jinping mistennija jiddominaw is-summit tal-G20 f’Osaka l-Ġappun meta ż-żewġ mexxejja se jiltaqgħu fl-aħħar jum tas-summit…

Aktar