Kronaka
Tkompli l-kumpilazzjoni fil-każ ta’ qtil ta’ DCG

Kompliet il-kumpilazzjoni tax-xhieda kontra t-tliet akkużati George u Alfred Degiorgio flimkien ma’ Vince Muscat akkużati bil-qtil ta’ Daphne Caruana Galizia.

Fis-seduta tal-lum pulizija ressqu r-rapporti u l-evidenza li sabu b’rabta ma’ tfittxijiet li saru f’diversi postijiet indikati lilhom fl-investigazzjoni.

Żewġ uffiċjali tal-Pulizija jixhdu dwar it-tiftix li sar fl-ppartament tal-akkużat George Degiorgio f’San Pawl il-Baħar. L-uffiċjali qalu kif mis-sit ittieħdu diversi oġġetti fosthom marki tas-swaba’ u samples għall-forensika.

Xehdu wkoll żewġ uffiċjali li ġew appuntati fl-4 ta’ Diċembru 2017 biex jinvestigaw karozza tat-tip Toyota Aygo, residenza f’Ħaż-Żabbar, garaxx f’Triq il-Qrempuż f’Marsaskala u fl-uffiċċju ewlieni tal-GO fil-Marsa. Hawnhekk l-uffiċjali ppreżentaw l-evidenza miġbura inkluż zi ritratti u marki tas-swaba’ li ġew elevati mill-investigazzjonijiet tagħhom.

Il-Maġistrat Clare Stafrace Zammit iddefirixxiet il-kawża għall-25 ta’ Ottubru 2018 fl-10.30am.

Preżenti fl-awla kien hemm il-ġenituri u l-aħwa tal-vittma.

Aħbarijiet Oħra
Elezzjoni

F’attività politika fil-Mellieħa, il-Prim Ministru Joseph Muscat tkellem dwar l-Istrateġija Nazzjonali tal-Isport li tnediet aktar kmieni matul il-ġurnata. Qal li u jemmen li hemm potenzjal kbir f’dan is-settur u għalhekk…

NGOs

Il-Prim Ministru Joseph Muscat inawgura hub modern u tal-għola standards fil-Marsa msejjaħ The Meeting Place li ser isservi biex ikollhom spazju fejn jiltaqgħu l-għaqdiet mhux governattivi li jaħdmu fl-oqsma tal-edukazzjoni,…

Elezzjoni

Il-Prim Ministru u Mexxej Laburista Joseph Muscat qal li l-iskema biex jingħataw ħlasijiet lill-eluf ta’ ħaddiema approvata mill-Kabinett saret biex issir ġustizzja ma’ iktar ħaddiema f’diversi oqsma fosthom ex ħaddiema…

Elezzjoni

Il-Kap tal-Partit Nazzjonalista Adrian Delia qal li, għal dan il-Gvern, Għawdex mhuwiex prijorità. Waqt attività politika fin-Nadur Ghawdex illejla, Dr Delia sostna li hemm kuntrast qawwi mal-investiment li kien għamel…

Aktar