Barranin
Tkompli tiċkien l-ekonomija fiż-żona ewro minħabba l-Coronavirus

Kawża tar-restrizzjonijiet u anke tal-biża’ li ħoloq il-Coronavirus, l-ekonomija fiż-żona ewro kompliet tiċkin. Spanja tinsab fl-aktar riċessjoni iebsa fi żminijiet moderni tant li l-ekonomija ċkienet bi 18.5% bejn April u Ġunju wara li fi tliet xhur ta’ qabel kienet diġà ċkienet b’5.2%. Spanja hija l-aktar pajjiż li qala’ daqqa kbira ekonomika minħbba l-pandemija.

Franza wkoll ħadet daqqa b’dak li jipproduċi l-pajjiż naqas bi 13.8% bejn April u Ġunju. April kien l-agħar xahar għall-Franċiżi għax f’Mejju u Ġunju l-ekonomija rkuprat xi ftit minħabba li bdew jitnaqqsu r-restrizzjonijiet implimentati minħabba l-imxija tal-Coronavirus.

Anke l-Italja qalet daqqa kbira bl-ekonomija tonqos bi 12.4%. L-ekonomisti kienu ħasbu lid-daqs ekonomika għat-Taljani kienet ser tkun ferm akbar.

Huwa stmat li l-ekonomija Ewropea ċkienet bi kważi 12%.