Droga
“Tlaqt kollox għad-droga, illum jew għada d-droga tirbaħ” – żagħżugħ li għeleb il-vizzju tad-droga

Ġuvni ta’ 34 sena, li llum ilu sentejn li għeleb il-vizzju tad-droga jirrakkonta l-esperjenza li għaddha minnha minħabba d-droga. Illum il-ġurnata jisħaq li d-droga qatt mhi s-soluzzjoni u jħeġġeġ lin-nies biex joqogħdu attenti meta jagħżlu l-ħbieb tagħhom.

Fil-Jum Internazzjonali kontra l-abbuż tad-droga, Dissett iltaqa’ ma’ persuni li rnexxielhom jirbħu l-vizzju tad-droga.

Huwa jirrakkonta kif mess l-ewwel darba mad-droga meta kellu 14-il sena u minħabba fiha kellu jħallas prezz qares. Minħabba d-droga spiċċa jaqta’ l-isport li kien jipprattika u anke x-xogħol. Id-droga wasslitu wkoll biex jisraq lill-għeżież tiegħu.

“Dak iż-żmien ma kontx ninduna. Dak iż-żmien jekk tgħidli tagħmilx hekk kont nagħmilha. Kif nisimgħu bi droga konna nipprovawha. Niftakar ta’ 12,13-il sena bdejna bil-ħaxixa. Ta’ 14-il sena ħadt l-ewwel ecstasy. Imbagħad bil-mod il-mod, waqaft mill-futbol, naqqast l-isport u għażilt it-triq tad-droga.”

Huwa qal li meta kien żgħir kien jaħbi d-droga sew u l-qraba tiegħu ma ndunaw b’xejn. Iżda d-droga mhix xi ħaġa li tostorha għal dejjem u maż-żmien il-familjari tiegħu ndunaw. “Illum jew għada d-droga ħa terbaħ u teħodlok kollox. Tlaqt kollox għad-droga biss” saħaq il-ġuvni.

Matul l-intervista huwa jirrakkonta kif kien imatni l-vizzju tad-droga u kif wasal biex jagħmel il-programm mal-Caritas.

Ara l-intervista sħiħa hawn:

Din l-intervista se tixxandar illejla waqt il-programm Dissett wara l-aħbarijiet tat-8pm.

Aħbarijiet Oħra
Budget

B’reazzjoni għad-diskors tal-Prim Ministru fil-Parlament, il-Kap tal-Oppożizzjoni Adrian Delia qal li Joseph Muscat ma’ wieġeb xejn fuq is-sitwazzjoni tal-għalliema, tal-middle class, tal-popolazzjoni tiżdied, fuq il-problemi tal-banek u fis-settur tal-gaming. Fuq…

Ambjent

Il-Ministru għall-Ambjent, Jose Herrera, waqt li rtira l-emenda oriġinali tal-Gvern għall-mozzjoni tal-Oppożizzjoni, ressaq emenda ġdida li permezz tagħha l-Parlament Malti iddikjara emerġenza fil-klima, bil-Kumitat Parlamentari tal-Ambjent u Ippjanar tal-Iżvilpp jinbidel…

Budget

Il-Prim Ministru Joseph Muscat ħabbar li l-Gvern xtara Villa G’Mangia fejn kienet tgħix ir-Reġina biex fiha isir proġett turistiku. Waqt li wieġeb għall-kritika tal-Kap tal-Oppożizzjoni għall-baġit, Dr Muscat żvela li…

Immigrazzjoni

Il-President Emeritu, Marie Louise Coleiro Preca, qalet li s-soċjetà Maltija għandha tagħmel dak kollu possibbli biex toħnoq id-diskors ta’ mibegħda. Hija kienet qed titkellem fid-dawl ta’ rapport minn The Times…

Aktar