Kultura
Tliet teatri jieħdu spinta b’xogħlijiet strutturali mħallsa mill-Gvern

It-Teatru Sależjan f’Tas-Sliema, it-Teatru Pandora fiż-Żejtun u t-teatru Blue Arena f’Ħaż Żabbar huma t-tliet spazji teatrali li bbenefikaw minn fondi għal xogħol strutturali fl-iskema tal-gvern għall-Finanzjament ta’ Spazji Teatrali.

F’kummenti lil TVM, id-dirigenti ta’ dawn it-teatri qalu li permezz ta’ dawn il-fondi jistgħu jwettqu proġetti li jgħinnu biex il-pubbliku jkun iżjed qrib ix-xena kulturali u artistika.

Il-tliet spazji teatrali bbenefikaw minn miljun ewro bejniethom biex jagħmlu xogħlijiet struttruali maġġuri, wara li saret evalwazzjoni tal-applikazzjonijiet imressqa taħt it-tieni fergħa tal-iskema ta’ finanzjament ta’ spazji teatrali. L-iskema saret biex ikun hemm legat għall-istudju Spazji Teatrali – A Catalogue of Theatres in Malta li identifika u ġabar informazzjoni dwar l-ispazji teatrali differenti madwar Malta u Għawdex.

Il-Ministru għall-Ġustizzja, Kultura u Gvern Lokali, Owen Bonnici qal li din l-iskema hija wegħda elettorali oħra mwettqa, waqt li tkellem fuq l-importanza ta’ din l-inizjattiva, li qal tpoġġi fuq quddiem it-teatru fil-komunitajiet lokali.

Ir-rappreżentanti ta’ dawn it-teatri tkellmu ma’ TVM dwar il-mod li bih dawn il-fondi se jgħinuhom. Segwi fil-filmat:

 

Aħbarijiet Oħra
Ambjent

Riċerkatur Malti sab l-ismijiet ta’ kważi elf wied f’Malta, Għawdex u Kemmuna. Jispjega li fost affarijiet oħra, l-ismijiet tal-widien f’Malta huma klassifikati fi tlieta; dawk ġejjin minn ismijiet tan-nies, ta’…

Stejjer Umani

Velimir Dulo mis-Serbja, ilu Malta aktar minn sentejn jaħdem bħala technician. Fis-Sajf li għadda ingħaqdu miegħu martu u ż-żewġ uliedu, fosthom Nevena Dulo ta’ 11-il sena li anke bdiet tattendi…

Protezzjoni Ċivili

Id-Dipartiment tal-Protezzjoni Ċivili ffirma ftehim ta’ koperazzjoni mas-Singapore Civil Defence Force. B’dan il-ftehim l-forzi tal-protezzjoni ċivili ta’ Singapore se jipprovdu espert tagħhom b’xejn lid-dipartiment tal-protezzjoni ċivili, fosthom għat-tfassil ta’ pjan…

Lokali

Il-kuntistabbli Ryan Paul Tonna, li miet ħabta u sabta meta faga fl-ikel wara maratona fl-Italja, qal li beda l-atletika minħabba f’ibnu biex ikun ta’ eżempju tajjeb għalih. F’messaġġ fuq il-paġna…

Aktar