Saħħa
“Tlift għajni imma għadni ħaj” – Jack iqis ruħu xxurtjat

Ftit tax-xhur ilu Jack Buttigieg ta permess lill-professuri biex ineħħulu għajnu. Minkejja dan, xorta jqis ruħu xxurtjat.

Jack qal lil TVM kif iktar kmieni din is-sena nnota xi ħaġa fuq ix-xifer ta’ għajn minnhom. Ma bdietx taffetwalu l-viżta u lanqas kien muġugħ. Jirrakkonta kif mar għand it-tabib li tah l-ingwent u t-taqtir, iżda din baqgħet m’għaddietlux.

“Wara ftit kont qed inħares fil-mera, u xi ħaġa qaltli biex nerfa’ l-kappell t’għajnejja,” rrakkonta Jack. Kien hawn li ra ħafna tikek bojod.

Reġa’ mar għand it-tobba, li qalulu li kellu ċesta u naddfuhielu. Il-materjal abjad iżda baqa’ dejjem ħiereġ. Jack baqa’ jfittex l-għajnuna medika, sakemm fl-aħħar ħa l-aħbar li għandu kanċer.

Jack jirringrazzja lill-ispeċjalisti Franco Mercieca u Maria De Bono Agius, fejn jgħid li kienet din tal-aħħar li sabitlu l-kanċer, u ppreparatu għal dak li kien se jgħaddi minnu fl-Ingilterra, fejn kellu jitla’ għall-kura.

Fl-Ingilterra Jack ingħata għażla; iżomm għajnejh it-tnejn u jmut f’inqas minn sentejn, jew jitlef għajnu u jkollu ċans jgħix. Jack għażel it-tieni waħda, u llum qed jgħix b’għajn waħda.

Jack jisħaq li kulħadd għandu jagħmel it-testijiet mediċi meta jara jew iħoss xi ħaġa li mhux f’lokha, u mhux joqgħod jibża’ jew jitraskura.

Jinsisti li hu qatt ma ħass uġigħ, u kien baqa’ jara tajjeb sal-mument li neħħewlu għajnu. Kieku ma tax kas, kien jinduna li għandu kanċer meta jkun tard wisq.

Aħbarijiet Oħra
Lokali

Il-gvern ħabbar il-ftuħ tal-istaġun tal-insib tal-ħarifa għal żewġ speċi: il-pluviera u l-malvizz. Fi stqarrija tas-Segretarjat Parlamentari għall-Biedja, Sajd u Drittijiet tal-Annimali ntqal li wara li evalwa r-rakkomandazzjonijiet tal-kumitat Ornis, l-istaġun…

Sport

Fit-tielet logħba tagħhom fil-Kampjonat tal-Amateurs, it-tim ta’ Syria Gżira FC kiseb l-ewwel rebħa bl-iskor ta’ 3-1 kontra Fleur De Lys FC. Il-player Lucky Chizobor skurja żewġ gowls filwaqt li Julius…

Saħħa

Ilbieraħ filgħaxija għadd ta’ nies nġabru quddiem iċ-Ċentru Esplora fil-Kalkara għal mixja simbolika bħala parti mix-xahar iddedikat għall-għarfien dwar il-kanċer tas-sider, magħruf bħala Pink October. Din is-sena n-nisa u l-irġiel…

Lokali

L-invażjoni Torka fit-Tramuntana tas-Sirja ġiet ikkundannata mill-komunità Kurda f’Malta li bl-appoġġ tal-Moviment Graffitti organizzaw manifestazzjoni paċifika quddiem l-Ambaxxata Torka fil-Floriana. Huma kkundannaw dak li sejħu bħala assalt brutali u mingħajr…

Aktar