Ikel
Tmiem Settembru magħna u jibda l-istaġun tal-għasir taż-żebbuġ

Intemm l-għasir tal-għeneb għall-inbid u issa, mal-bidu tal-ħarifa, jinsab fl-aqwa tiegħu l-istaġun tal-għasir taż-żebbuġ.

Għal Jesmond Psaila, tmiem Settembru jfisser il-bidu ta’ staġun li jipproduċi dak li ħafna jfittxu fuq il-mejda tal-ikel – iż-żejt taż-żebbuġa.

F’razzett fiż-Żejtun, imdawwar b’ħafna siġar taż-żebbuġ, Jesmond qal li din is-sena ż-żebbuġ kien nieqes.

Jesmond Psaila qal ”dis-sena batuta. M’għamilx ħafna, żebbug mill-inqas.”

Mistoqsi għar-raġuni, Jesmond ipponta subgħajh lejn ir-riħ.

”Hawn min jgħid sena jagħmel u sena le. Imma 99 fil-mija kien hemm il-fjuri u r-riħ farfru” qal Jesmond Psaila.

Minkejja l-istaġun batut, il-magna li tagħsar iż-żebbuġ ma waqfitx taħdem. Jesmond spjega kif iż-żebbuġa tiġi użata għaż-żejt jew għal għal manifattura ta’ affarijiet oħra bħal paste u sapun.

”Nitfgħuh ġo dil-magna, jinżel; hu u nieżel tneħħilu l-werqa, jinħasel, jitla’ minn dik il-parti t’hemm, jikkraxxja ruħu u jiġi gol-banju. Għandu 20 minuta jdur u jintefa’ ġo ‘decanter’ u permezz ta’ ‘dowering bar’ jinfired iż-żejt u l-essenza titlaq ġo skip għaliha u ż-żejt joħroġ apparti għalih.”

Il-pubbliku se jkun jista’ japprezza aktar il-proċess tal-għasir taż-żebbuġ u l-produzzjoni taż-żejt waqt l-attività żejt iż-żejtun li se tkun organizzata fi tmiem il-ġimgħa f’Citta’ Beland. Organizzata mill-Kunsill Lokali, l-attività tinkludi rappreżentazzjoni tal-wasla tal-Granmastru u t-tberik taż-żebbuġ u bosa aspetti folkloristiċi, żfin, għana u artiġjanat.

Aħbarijiet Oħra
Edukazzjoni

L-Aġenzija Nazzjonali tal-Litteriżmu b’kollaborazzjoni mal-Malta Football Association organizzat ċelebrazzjoni fl-Istadium Nazzjonali Ta’ Qali fl-okkażjoni ta’ tmiem ir-raba’ ċiklu tal-programm ‘Bil-Qari u l-Kitba Niskorja’ Footballers’ Read and Write Programme’. F’din l-attività,…

Qorti

Kurt Grima ntbagħat 20 xahar ħabs wara li nqabad jagħti verżjonijiet differenti fil-Qrati ta’ x’ġara f’Ottubru tal-2014. Il-Qorti sabet li Grima renda ruħu riċediv wara li seraq għadd ta’ oġġetti…

Sajd

Il-Partit Laburista permezz tas-Segretarju Parlamentari għall-Biedja u s-Sajd, Clint Camilleri, u l-kandidat għall-elezzjoni tal-Parlament Ewropew, Josef Caruana, qal li bir-rapport tal-2010 tal-Internal Audit and Investigations Department dwar nuqqasijiet fid-Dipartiment tas-Sajd,…

Qorti

Mara li snin ilu tkeċċiet mill-Korp tal-Pulizija weħlet sentenza ta’ ħabs sospiża u multa, wara li nstabet ħatja li għamlet xogħol ta’ investigatur privat mingħajr liċenzja. Grace Gatt ta’ 50…

Aktar