Kronaka
AĠĠORNAT: Mara fil-periklu tal-mewt fost 9 mweġġgħa f’ħabta f’Għajnsielem

Mara tinsab fil-periklu li titlef ħajjitha wara li kienet involuta f’inċident tat-traffiku li seħħ dan il-lejl fi Triq l-Imġarr, f’Għajnsielem Għawdex.

Fl-inċident kienu involuti żewġ vetturi, Daihatsu Terios misjuqa minn mara ta’ 36 sena min-Nadur, li fil-karozza magħha kellha 4 passiġġieri: mara Kanadiża u tliet subien li għandhom 9, 11 u 14-il sena. It-tifel iż-żgħir u l-kbir sofrew ġrieħi gravi, waqt li l-fustani u l-adulti weġġgħu ħafif.

Għal xi raġuni, it-Terios ħabtet f’Jago Geep li fiha kien hemm erba’ persuni: ix-xufier li huwa Norveġiż ta’ 43 sena li jgħix Kerċem, raġel Amerikan ta’ 47 sena li jgħix ir-Rabat, raġel Ġermaniż ta’ 51 sena li jgħix ix-Xagħra, u mara mil-Latvja ta’ 41 sena li tgħix is-Swieqi. Dawn il-persuni kollha ġarrbu ġrieħi gravi, għajr il-mara li tinsab f’qagħda serja.

Il-mara ttieħdet l-isptar Mater Dei bil-ħelikoper wara li ngħatat l-ewwel kura fl-isptar ġenerali ta’ Għawdex.

Kaġun tal-inċident kellha tingħalaq it-triq ewlenija li tagħti għall-Port tal-Imġarr Għawdex, u infetħet inkjesta li qed titmexxa mill-Maġistrat Bridget Sultana.

Aħbarijiet Oħra
Immigrazzjoni

Il-Gvern Libjan ilbieraħ bagħat ittra ta’ ringrazzjament lil Malta għall-isforzi biex ma tħallix armi jaslu fil-Libja. F’kummenti ma’ Television Malta il-Ministru tal-Affarijiet Ewropej u Barranin Evarist Bartolo qal li pressjoni…

Lokali

Skont dokument mhux uffiċjali, il-Kummissjoni Ewropea qed tipproponi allokazzjoni finanzjarja lil Malta ta’ kważi biljun ewro biex tgħinha tirkupra mill-impatt negattiv tal-pandemija. L-allokazzjoni hi parti minn fond ta’ madwar €750 biljun…

Lokali

Kważi 64% tal-membri tal-ekwipaġġ tal-linja nazzjonali l-Air Malta vvutaw favur il-ftehim kollettiv ġdid innegozjat bejn l-unjoni tal-cabin crew u l-Gvern. Fil-votazzjoni li għalqet fis-sitta tal-lejla, ivvutaw 252 minn 299 membru…

Lokali

L-Awtorità tal-Ippjanar se tagħmilha aktar diffiċli biex jiġu approvati blokok ta’ appartament jew żvilupp ieħor qrib xi palazz, monument jew binja skedata. L-Awtorità ħarġet linji gwida aktar ċari dwar kif jiġu…

Aktar