Barranin
Tmut is-simbolu internazzjonali tal-kampanja tixrobx jekk se ssuq

Jacqui Saburido, is-simbolu tal-kampanja internazzjonali tixrobx jekk se ssuq, mietet fl-età ta’ 40 sena wara li ħakmitha l-marda tal-kanċer.

Il-ħajja għal Saburido ma kinetx kollha ward u żahar hekk kif fl-età ta’ 20 sena, kellha tgħaddi minn traġedja fejn tilfet lil sħabha u spiċċat f’xifer il-mewt.

Fl-1999 hija kienet sejra lura d-dar ma’ sħabha wara ħarġa meta karozza misjuqa minn raġel xurban baqgħet dieħla f’tagħhom. Tnejn minn sħabha mietu mad-daqqa u fl-inċident, il-vettura li kienu qegħdin fiha qabdet u nbelgħet bin-nar. Kawża tan-nirien, Jacqui sofriet 60% ħruq f’ġisimha u kellha bżonn ‘il fuq minn 100 operazzjoni.

Minkejja li Jacqui tilfet widnejha, imneħirha, xuftejha u xagħarha, b’kuraġġ ta’ sur iddeċidiet tibda tidher fil-pubbliku biex tqajjem kuxjenza dwar il-konsegwenzi li jġib miegħu s-sewqan taħt l-effett tax-xorb.

Hija qalet li ġiet fid-dinja għal skop u temmen li dak li ġralha kellu jiġrilha biex teduka lill-pubbliku.

Is-sewwieq xurban li ħasad il-ħajja ta’ sħab Jacqui u li kważi tilfilha l-identità tagħha, kien instab ħati bil-qtil ta’ żewġ persuni taħt l-effetti tax-xorb u ngħata 7 snin priġunerija.

 

Aħbarijiet Oħra
Barranin

Il-kandidat demokratiku fl-elezzjoni presidenzjali fl-Istati Uniti, Joe Biden għażel lis-Senatur Kamala Harris biex takkumpanjah bħala Viċi President. Hija l-ewwel mara ta’ karnaġon skur u Ażjatika Amerikana għal dan l-irwoll. Is-Senatur…

Barranin

L-akbar belt f’New Zealand tinsab f’lockdwon wara li ġew reġistrati erba’ każi ġodda ta’ COVID-19 wara aktar minn 100 ġurnata mingħajr l-ebda każ. Il-lockdown ta’ tlett ijiem daħal fis-seħħ f’Auckland…

Barranin

It-tielet lejl infila ta’ protesti fil-kapitali Lebaniża Bejrut. Ġimgħa eżatt wara l-isplużjoni katastrofika li ħalliet iktar minn mitejn mejta u sitt elef persuna midruba, u llivellat mingħajr ħniena l-infrastruttura ta’…

Barranin

Skont figuri miġbura mill-Università Johns Hopkins, l-għadd ta’ nies infettati bil-coronavirus madwar id-dinja qabeż l-għoxrin miljun f’188 pajjiż. Aktar minn seba’ mija u tletin elf ruħ mietu. Mill-każi rregistrati, ħames…

Aktar