Barranin
Tmut l-attriċi li kienet inħatfet mill-Korea ta’ Fuq

Attriċi mill-Korea t’Isfel li kienet inħatfet mill-Korea ta’ Fuq u kienet imġiegħla biex taħdem il-films għall-istat mietet fl-età ta’ 92 sena.

Choi Eun-hee kienet attriċi magħrufa fil-Korea t’Isfel. Hija kienet inħatfet taħt ir-reġim ta’ Kim Jong-il fl-aħħar snin tas-sebgħinijiet.

L-eks raġel tagħha, Shin Sang-ok, direttur famuż tal-films, ukoll kien inħataf xi xhur wara. Huma kienu rnexxielhom jaħarbu.

Min-naħa tagħha l-Korea ta’ Fuq dejjem ċaħdet li ħatfet lil din il-koppja.

Hija flimkien ma’ Shin Sang-ok (li maż-żmien kienu żżewġu) kienu pijunieri fil-qasam tagħhom u magħrufa. Lejn l-aħħar tas-sebgħinijiet huma ħadu d-divorzju u kien hemm li l-karriera tagħha qabdet it-triq tan-nieżla. F’dak il-mument hija ġiet avviċinata minn persuna li introduċiet ruħha bħal negozjant minn Hong Kong u tatha proposta biex tifforma kumpanija tal-films.

Meta kienet marret Hong Kong hija nħatfet minn grupp ta’ rġiel. Minkejja li kienu ħadu d-divorzju, hija u l-eks raġel tagħha kienu baqgħu f’kuntat.  Shin Sang-ok kien mar ifittixha f’Hong Kong u kien hemm li hu nħataf ukoll.

Tmien snin wara r-reġim tal-Korea ta’ Fuq ħallihom imorru Vjenna biex jirrikklamaw il-films tagħhom. Hemm huma kisbu l-ażil mill-Ambaxxata Amerikana u marru lura l-Korea t’Isfel sena wara. Ir-raġel tagħha kien miet fl-2006.

Aħbarijiet Oħra
Barranin

Mas-60 persuni, fosthom tfal, tilfu ħajjithom, u madwar 100 oħra sfaw feruti meta ntlaqtu minn ferrovija fl-istat ta’ Punjab, fl-Indja. Filmat li nġibed minn mobile juri dawn il-mumenti xokkanti. It-traġedja ġrat…

Barranin

L-Arabja Sawdija ammettiet li l-ġurnalist Jamal Khashoggi nqatel fil-konsolat tagħha fit-Turkija, wara li għal ħmistax sħaħ sostniet li dan kien ħareġ mill-konsolat qawwi u sħiħ. Il-midja tal-istat tas-Sawdi kkwotat l-ewwel…

Barranin

Anzjan spiċċa b’imnieħru u tliet kustilji miksurin wara li qala’ xebgħa mingħand sid ta’ restorant talli ordna biss antipasto.  Il-każ seħħ f’Arezzo fl-Italja u jinsab f’ħoġor il-Qorti. Il-klijent, li għandu…

Familja Rjali

Meghan Markle u l-Prinċep Harry sabu ftit tal-ħin biex jerħulha lejn il-baħar waqt li qegħdin fi żjara Rjali fl-Awstralja. Huma żaru l-bajja famuża Bondi Beach fejn iltaqgħu mal-membri tal-OneWave, komunità…

Aktar