Tneħħi ħajjitha kawża ta’ filmat tagħha fuq WhatsApp li rvinaha

Fl-Italja, tfajla Taljana ta’ 31 sena neħħiet ħajjitha b’idejha kawża ta’ filmat tagħha f’relazzjoni sesswali li nxtered fuq bosta mezzi tal-midja soċjali. Il-ħolma kerha għal Tiziana Cantone bdiet proprju b’filmat imbarazzanti tagħha li nxtered fuq Whatsapp. It-tfajla ma rnexxilhiex tegħleb il-mistħija u neħħiet ħajjitha b’idejha f’dar fejn marret tgħix ma’ ommha f’Casalnuovo, f’Napoli. It-tfajla bagħtet filmati lil xi ħbieb tagħha fuq Whatsapp, b’waħda minnhom ixxerridhomlha fuq Facebook u Twitter.
Kollox beda qisu logħba wara li l-ex tagħha waqqaf ir-relazzjoni minn magħha. Iżda dik il-logħba wasslet biex eluf kbar fuq il-midja soċjali raw dak il-filmat imbarazzanti tagħha u ma waqfux jiddieħku biha. Fil-fatt minn dak il-mument, it-tfajla daħlet f’dipressjoni kbira. Il-kummenti fuq il-web kienu iebsa ħafna, kategoriċi u biddlulha ħajjitha ta’ taħt fuq.
Tiziana ddeċidiet li titlaq minn Napoli biex tibda ħajjitha mill-ġdid u għal xi żmien marret tgħix fit-Toscana. Hija bdiet proċeduri wkoll biex tibdel l-identità tagħha. Ftit tal-jiem ilu, l-avukata tagħha, Roberta Foglia Manzillo, kisbet provvediment b’urġenza biex jitneħħew il-filmati minn fuq l-internet wara li rreferiet għal Facebook, Yahoo, Google, Youtube u l-persuni kollha involuti. Skont Monica Marrazzo, l-imħallef li segwiet il-każ, il-filmati kellhom jitneħħew minn fuq l-internet ħafna qabel u b’hekk setgħet tiġi evitata l-mewt ta’ tfajla fi fjur żogħżitha.

Aħbarijiet Oħra
Ambjent

Żewġ studenti tal-Junior College, Marie Therese Pavia u Aidan Gauci ħadmu fuq produzzjoni awdjo-viżiva bħala parti mill-kampanja Young Reporters for the Environment (YRE) bil-għan li jqajmu għarfien dwar il-ħamrija fil-gżejjer Maltin. Il-ħamrija…

Barranin

Il-kumpanija Microsoft mistennija tissostitwixxi għadd ta’ ġurnalisti li jaħdmu bil-kuntratt mas-sit tal-MSN ma’ robots. Xogħol dawn ir-robots se jkun li jagħżlu l-istejjer tal-aħbarijiet. Microsoft, bħal diversi kumpaniji teknoloġiċi oħra, tħallas…

Barranin

Harvey Weinstein, li kien ikkundannat 23 sena ħabs fuq stupru u abbuż qed jaffaċċja aktar akkużi. Erba’ nisa oħra qed jakkużawh b’abbużi sesswali li saru bejn l-1984 u l-2013. Waħda minn…

Barranin

Il-President Amerikan, Donald Trump qal li se jagħmel pass drastiku u jtemm ir-relazzjoni bejn l-Istati Uniti u l-Għaqda Dinjija tas-Saħħa (WHO). Huwa ħabbar dan ftit sigħat ilu flimkien ma’ miżuri…

Aktar