Kurżitajiet
Tqajjem furur teknoloġija ġdida li tneżża’ lin-nisa

Mill-Milied sa San Stiefnu, daqshekk damet disponibbli l-App magħrufa bħala Deepnude, li xogħolha tikkonverti ritratti ta’ nisa mlibbsa, f’għarwenin.

Din l-App kienet taħdem billi tuża t-teknoloġija ta’ intelliġenza artifiċjali biex tikkonverti ritratti ta’ nisa u ġġibhom għarwenin bis-saħħa ta’ algoritmi varji. Iżda, il-furur li qam wara li tnediet din l-App, wasslet lill-moħħ warajha, li baqa’ anonimu, biex iħassar kull traċċa tagħha l-għada li ttellgħet fid-dinja tal-web.

Anke jekk dawn ix-xbihat tan-nisa għarwenin, fl-aħħar mill-aħħar mhumiex veritiera, xorta waħda daħlet il-kwistjoni tal-etika u t-tixrid ta’ ritratti foloz li joffendi l-pudur tan-nisa.

Meta tintuża fuq figura maskili, l-App xorta waħda taħdem iżda r-raġel jispiċċa b’partijiet privati ta’ mara.

Filwaqt li Deepnude setgħet toħloq xbihat realistiċi ta’ nisa għarwenin, dawn xorta ma jikklassifikawx bħala ritratti pornografiċi mingħajr kunsens, l-għaliex mhumiex veritieri. S’issa għad mhemm l-ebda leġislazzjoni li tkopri dawn ir-ritratti maħluqa minn teknoloġiji AI.

Aħbarijiet Oħra
Kurżitajiet

Filmat li ttella’ fuq il-midja soċjali qajjem furur fost dawk li ta’ spiss jivvjaġġaw bl-ajruplan. Fil-filmat jidher raġel li ma ddejjaq xejn jinża ż-żarbun biex juża’ saqajh u jinnaviga fuq touchscreen…

Temp

Is-sħana li għamlet f’Ġunju kienet l-iktar waħda qawwija għal dan ix-xahar f’96 sena. Fi stqarrija, l-Uffiċċju Metereoloġiku fl-Ajruport Internazzjonali ta’ Malta qal li f’Ġunju t-temperatura medja laħqet 26.3°C, u l-aħħar…

Lokali

Pedro għandu sena, u ma jitflifx bulettin tal-aħbarijiet wieħed minn ta’ TVM. Il-favorit tiegħu iżda huwa ta’ nofsinhar, li jinqara minn Joe Dimech. Ommu, Maryanne Molina Xuereb, qalet lil TVM…

Barranin

Kelb fi New Jersey ma ħasibhiex darbtejn biex jeħodha ma’ ors li sab fil-ġnien tal-ġirien tiegħu. L-inċident inqabad minn kamera tas-sigurtà, u f’leħħa ta’ berqa dar mad-dinja wara li ttella’…

Aktar