Politika
Tqum kontroversja dwar id-dibattitu bejn il-PM u l-Kap tal-PN

Fl-isfond tal-kampanja elettorali tqum kontroversja dwar id-dibattitu bejn il-Prim Ministru Joseph Muscat u l-Kap tal-Partit Nazzjonalista Adrian Delia.

F’konferenza tal-aħbarijiet quddiem il-PBS, il-Kap tal-Partit Nazzjonalista Adrian Delia qal li hu u l-Prim Ministru Joseph Muscat kellhom stedina ghal dibattitu fil-programm Xarabank. Dr Delia qal li waqt li hu aċċetta, il-Prim Ministru sostna li għal raġunijiet strateġiċi mhux se jaċċetta.

Dr Delia qal li hu ċar li l-Gvern irid li l-leħen tal-mexxejja ma jinstemax fuq l-iktar programm segwit. Innota li dan qed iseħħ ftit wara li l-Prim Ministru anke aġġorna l-Parlament għal wara l-elezzjoni. Il-Kap Nazzjonalista sejjaħ dan bħala kontroll tal-informazzjoni mill-Gvern u tnaqqir tad-demokrazija.

Il-Prim Ministru Joseph Muscat min-naħa tiegħu qal li kien hemm ftehim li jagħmel żewġ dibattiti dak li sar fil-programm Xtra fuq TVM u ieħor tal-Awtorità tax-Xandir li ser isir fuq TVM ukoll nhar l-Erbgha li ġej, lejlet it-tmiem tal-kampanja elettorali.

Sadanittant, l-edizzjoni ta’ Xarabank ser tkun diskussjoni bis-sehem ta’ rappreżentanti taż-żewġ partiti ewlenin.

 

Aħbarijiet Oħra
Edukazzjoni

L-istudenti fl-iskejjel sekondarji tal-Gvern li għażlu suġġetti vokazzjonali, minn Settembru li ġej se jibda jkollhom il-lezzjonijiet minn klassijiet li ngħataw bixra differenti għax ġew mgħammra b’apparat li jixbah dak li…

Agrikultura

Deskritt bħala wieħed mill-ifjen żjut minn esperti u chefs magħrufa internazzjonalment, fosthom Jamie Oliver, iż-żejt taż-żebbuġa Malti għandu karatteristiċi partikulari li jiddistingwuh. Sejbiet arkeoloġiċi juru li elfejn sena ilu, ir-Rumani…

Kultura

Niċċa bi statwa devota tar-Redentur, fit-triq għal Marsaxlokk, se tiġi restawrata. Ix-xogħol se jsir mid-Direttorat tar-Restawr fi ħdan il-Ministeru għall-Ġustizzja, Kultura u Gvern Lokali u għandu jitlesta sal-aħħar tas-sena. Il-Perit…

Annimali

Numru ta’ kuċċiera qalu li qegħdin jikkunsidraw li jiftħu kawża fil-Qorti biex ireġġgħu lura l-avviż legali li bih ma jistgħux jaħdmu bil-karrozzin bejn is-siegħa u l-erbgħa ta’ waranofsinhar f’Lulju u…

Aktar