Lokali
Krejnijiet jagħlqu toroq fil-Mellieħa u m’hemmx fejn tmur – il-Kunsill b’apoloġija

Persuni li dalgħodu ppruvaw jgħaddu minn għadd ta’ toroq fil-Mellieħa sabuhom magħluqin bi krejnijiet, bil-konsegwenza li ma kellhomx fejn imorru.

Min beda jidħol fi Triq Dun Franġisk Sciberras beda jsib ma’ wiċċu krejn jagħlaq it-triq, u jekk jipprova jdur lejn Triq Adenau, isib l-istess sitwazzjoni. Il-karozzi għalhekk inqabdu mingħajr ebda post fejn imorru ħlief lura, bil-kaos li dan iġib miegħu hekk kif karozzi jibqgħu deħlin fit-triq il-ħin kollu.

Sitwazzjoni simili ġrat fi Triq il-Merill, fejn krejn tpoġġa f’tarf it-triq, bis-sewwieqa jkollhom jirriversjaw lura t-triq kollha.

TVM għamel kuntatt mal-Kunsill Lokali tal-Mellieħa, bis-Sindku Dario Vella jikkonferma li l-kuntratturi kellhom il-permess jagħlqu t-triq.

Is-Sindku iżda spjega li dak li seħħ kien kawża ta’ żball amministrattiv, u filwaqt li talab apoloġija għall-inkonvenjenza li nħolqot, qal li l-Kunsill ħa jaħdem biex is-sitwazzjoni ma tirrepetix ruħha.

Aħbarijiet Oħra
Politika

Il-mexxej Laburista ntlaqa’ wkoll mill-partitarji fil-pjazza ta’ Ħaż-Żebbuġ. Huwa enfasizza li wara t-12 ta’ Jannar, il-Partit Laburista m’għandux bżonn numri biex juruh is-saħħa tiegħu għax huwa partit li jħoss il-polz…

Lokali

Dalgħodu l-pulizija reġgħet bagħtet għall-eks chief of staff tal-Prim Ministru, Keith Schembri. Television Malta jinsab infurmat li dalgħodu l-Pulizija mit-Taqsima tar-Reati Ekonomiċi reġgħet interrogat lis-Sur Schembri u tteħditlu wkoll stqarrija….

Politika

Il-Prim Ministru Joseph Muscat indirizza l-folla li nġabret in-Naxxar fejn qal li ”xogħlna issa li nħarsu ‘l quddiem.” Huwa qal li jinsab kburi b’dan il-moviment u f’dan kollu ”l-aħna akbar…

Aktar