Kronaka
AĠĠORNAT (2): Triq Burmarrad magħluqa wara inċident b’mutur

Sewwieq ta’ mutur iddaħħal l-isptar għal kura wara ħabta fi Triq Burmarrad, f’Burmarrad.

L-inċident seħħ għal ħabta tas-6.15pm. TVM infurmat li l-ħabta seħħet bejn il-mutur, x’aktarx Kawasaki, u karozza tal-għamla Toyota.

Is-sewwieq tal-mutur huwa żagħżugħ ta’ 21 sena minn San Pawl il-Baħar.

Fuq il-post marru l-Pulizija biex jidderieġu t-traffiku, waqt li ambulanza ħadet lis-sewwieq tal-mutur l-isptar Mater Dei. Il-kundizzjoni tiegħu mhux magħrufa, iżda x’aktarx weġġa’ gravi.

Nifhmu li t-triq kellha tingħalaq miż-żewġ naħat għal xi ħin.