Lokali
Triq il-Wied f’Ħal Balzan se tkun qed tinbena mill-ġdid

Il-Ministru għall-Infrastruttura, Ian Borg ħabbar li Triq il-Wied, Ħal Balzan se tinbena mill-ġdid b’investiment ta’ aktar minn nofs miljun ewro. Ix-xogħol se jibda l-ġimgħa d-dieħla u mistenni jintemm sa Settembru li ġej.

F’konferenza tal-aħbarijiet, Dr Borg qal li x-xogħlijiet se jinkludu l-bdil tas-servizzi u t-triq se tiġi iktar għad-dritt. Qal li biex isir dan se jitneħħew żewġ siġriet li se jitpoġġew fi ġnien f’Ħal Balzan.

Dr Borg qal li din it-triq taqa’ taħt ir-responsabbiltà tal-Kunsill Lokali iżda ma jiflaħx jiffinanzja dax-xogħol u għalhekk il-Gvern ser jidħol hu għal dan il-proġett. Huwa qal li din it-triq ilha fi stat ħażin tant li fl-2012, Deputat Parlamentari kien appella lill-Ministru għat-Trasport ta’ dak iż-żmien biex jintervjeni u jagħmel imqar ftit tiswija f’din it-triq, iżda kien wieġeb billi qal li din it-triq ma kinitx taqa’ taħt ir-responsabbiltà tal-Gvern u għalhekk baqgħet ma saritx.

Aħbarijiet Oħra
Kurżitajiet

Qatt tħajjart tmur għand xi ħadd biex jaqralek ix-xorti? Min jaqra x-xorti huwa mmanipulat mix-xitan? F’Malta hawn kultura tal-okkult?  Glen Falzon stħarreġ dwar dan u tkellem ma’ xi ħadd li…

Saħħa

Dieqa kbira għall-familja li tilfet li binha ta’ erba’ snin li miet fl-isptar Mater Dei fejn idaħħal għall-kura b’kumplikazzjonijiet ikkawżati x’aktarx minn każ rari ta’ meninġite b’mikrobu partikulari. L-awtoritajiet tas-saħħa…

Aktar