Kultura
Trittiku antik dedikat lill-Madonna tas-Sokkors se jiġi studjat u restawrat

Trittiku ddedikat lill-Madonna tas-Sokkors, li jifforma parti mill-kollezzjoni tal-Mużew tal-Katidral tal-Imdina, se jiġi studjat fil-fond mill-Università, li qalet li din se tkun l-ewwel pittura f’Malta li se tiġi studjata b’mod 3D. It-tliet pannelli ta’ din l-opra ta’ arti se jiġu konservati u restawrati.

Dan huwa trittiku ddedikat lil Verġni tas-Sokkors li jifforma parti mill-kollezzjoni tal-Mużew tal-Katidral tal-Imdina. Fin-nofs juri lill-Madonna tas-Sokkors u fil-ġnub lil San Pietru u San Ġakbu. Il-kwadri huma mżejna b’xeni tal-Lunzjata u l-Golgota f’kull waħda mill-ponot ta’ fuq tat-tliet pannelli.

Charlene Vella li hija lecturer fid-Dipartiment tal-Arti u l-Istorja tal-Arti fl-Università qalet li dan ix-xogħol artistiku kien kkummissjonat fl-aħħar tas-seklu ħmistax u hu wieħed mill-ftit kwadri ta’ żmien ir-rinaxximent attribwiti lill-Isqalli Antonio de Saliba. Spjegat li t-trittiku ġie attribwit lil dan l-artist wara li fost l-oħrajn tqabbel ma’ żewġ xogħlijiet dokumentati ta’ Antonio de Saliba li jinsabu fil-knisja ta’ Santa Maria ta’ Ġesu fir-Rabat.

Dr Vella qalet li fl-imgħoddi dan it-trittiku tgħatta b’saffi ħoxnin ta żebgħa.

“Illum qed inkunu iktar sensittivi meta jsir xogħol ta’ restawr. Fil-passat kien ikun hemm iktar libertajiet li kienu jittieħdu. L-interventi ma kinux ikunu daqshekk sensittivi allura biex nifhmu l-kwadru oriġinali hemm bżonn li naraw x’hemm taħt u jekk nistgħu u jkun qed fadal biżżejjed żebgħat nagħtu każ nibdew naslu lejn il-layer oriġinali” qalet Dr Vella.

L-istudju li se jsir mid-Dipartiment tal-Arti u l-Istorja tal-Arti tal-Università tinkludi interventi li se jsiru bi scanning 3D u analiżi xjentfika. Ir-restawratur Pierre Bugeja spjega li dan se jkun kruċjali biex joffri stampa aktar preċiża ta’ x’jenħtieġ isir fir-restawr.

”Ix-xjenza llum qed issir dejjem iktar non-invasive jiġifieri t-teknika li se nużaw hawnhekk hija non-invasive jiġifieri kemm jista’ jkun se nieħdu l-informazzjoni qabel nibdew mingħajr ma mmissuha” qal ir-restawratur Pierre Bugeja.

Ir-Rettur tal-Università Alfred Vella radd ħajr lill-Malta Airport Foundation li tat tlieta u għoxrin elf ewro għar-riċerka u qal li l-Università se tkompli tappoġġja sforzi biex tħares il-wirt artistiku Malti.

Aħbarijiet Oħra
Storja

Fl-arkivju notarali fil-Belt ġew konservati bi proċess ta’ restawr id-dokumenti li fihom il-kuntatt tal-għoti tal-George Cross lil Malta f’eżerċizzju li fih ikkollaboraw tliet entitajiet. Il-kuntratt u l-atti notarili tal-għoti tal-George…

Lokali

Messaġġi miżbugħa fuq propjetajiet pubbliċi u privati qed iqajmu tħassib dwar il-mottiv tagħhom. Waqt li xi rapporti qalu li dawn saru mis-Serbi, TVM Malta stħarreġ dwar dawn il-graffiti u l-lingwaġġ…

Politika

Il-Professur Arnold Cassola fi stqarrija qal li mhuwiex xogħol l-Alternattiva Demokratika li tqajjem is-suġġett dwar dibattitu rispettuż dwar l-abort. Cassola qal dan fl-isfond tal-filmat li xandret il-kandidat għall-MEP tal-AD, Mina Tolu,…

Kunsilli Lokali

Il-Prim Ministru u Mexxej tal-Partit Laburista, Joseph Muscat, qal li l-Partit Laburista għandu jkollu kwart tal-kandidati għall-elezzjoni tal-Kunsilli Lokali li jkunu żgħażagħ. Fit-tnedija tal-kampanja START tal-Forum Żgħażagħ Laburisti, Dr Muscat…

Aktar