Barranin
Trump jgħid li l-Afrika u l-Amerika t’Isfel huma fossa

L-Unjoni Afrikana li tirrapreżenta 55 pajjiż talbet li l-President tal-Istati Uniti Donald Trump jagħmel apoloġija wara li allegatament sejjaħ dawk il-pajjiżi minn fejn qed jaslu l-immigranti fl-Istati Uniti bħala fossa. Il-missjoni tal-Unjoni Afrikana f’Washington DC esprimiet xokk, dispjaċir u ħassitha offiża b’dawn il-kummenti u qalet li l-amministrazzjoni ta’ Trump ma tifhimx lill-Afrikani.

F’laqgħa ma’ xi leġislaturi fl-Oval Office nhar il-Ħamis, il-President Amerikan, Donald Trump esprima l-frustrazzjoni tiegħu fuq l-immigranti li qed jaslu l-Istati Uniti minn pajjiżi li ddeskriva bħala fossa b’referenza għal Haiti, El Savador u pajjiżi mill-Afrika. Ġie kkwotat jgħid li jippreferi aktar nies min-Norveġja milli minn dawn il-pajjiżi.

Il-kummenti malajr qanqlu reazzjoni ta’ stmerrija u kundanna minn politiċi Demokratiċi u Repubblikani kif ukoll minn madwar id-dinja fosthom in-Nazzjonijiet Magħquda. Aktar tard fuq twitter, il-President Trump ċaħad li uża dan il-lingwaġġ fil-konfront ta’ dawn il-pajjiżi iżda ammetta li uża kliem iebes.

Aħbarijiet Oħra
Barranin

F’filmati li qed jinxterdu jinstemgħu vuċijiet imbeżża’ tat-tfal migranti, li fl-aħħar xhur ġew isseparati mill-ġenituri tagħhom bħala parti mill-politika tal-immigrazzjoni tal-Gvern Amerikan. Mal-2,000 tifel u tifla spiċċaw mingħajr il-ġenituri tagħhom, wara…

Barranin

Id-Deputat Prim Ministru u Ministru tal-Intern Taljan, Matteo Salvini mill-ġdid f’kontroversja oħra. Wara li l-ġimgħa l-oħra għalaq il-portijiet u ma ħalliex il-bastiment ‘Aquarius’ jidħol fl-Italja b’629 immigrant, Salvini issa qal…

Barranin

Għal ħafna li jsegwu l-futbol il-ħoma tagħhom hija li jmorru jaraw xi logħba tat-Tazza tad-Dinja. 30 tifel u tifla li jbatu minn mard u kundizzjonijiet rari qatgħu xewqithom meta l-biljunarju…

Aktar