Barranin
Trump jgħid li l-Gvern irid jingħata sehem kbir jekk Microsoft tixtri sezzjoni minn TikTok

Il-President Amerikan Donald Trump qal li l-Gvern irid jingħata sehem mit-taqsima tal-Istati Uniti ta’ Tik Tok, jekk din tinxtara minn kumpanija Amerikana.

Trump qal li kien għamel din it-talba lill-kap tal-Microsoft fi tmiem il-ġimgħa, fejn qal li talab porzjon sostanzjali mill-prezz tal-akkwist.

L-app Tik Tok hija propjetà tal-kumpanija Ċiniża ByteDance, li tinsab taħt pressjoni biex tbigħ parti min-negozju wara li Trump wissa li se jirrestrinġi t-teknoloġija miċ-Ċina.

Trump qal li l-Gvern ħaqqu jkollu perċentwal kbir mill-prezz għax kien se jagħmel dan ix-xiri possibbli.

Din il-proposta qed tkun meqjusa kontroversjali, u ġabet il-kritika tal-midja Ċiniża u anki ta’ esperti legali fl-Istati Uniti, li esprimew dubju dwar il-legalità ta’ din l-azzjoni.

Aħbarijiet Oħra

Fl-Indja fetaħ mill-ġdid għat-turisti t-Taj Mahal wara 6 xhur magħluq minħabba l-pandemija. Dan l-iżvilupp seħħ minkejja li l-Indja hu l-agħar pajjiż milqut mill-imxija.Bħalissa fl-Indja hemm iktar minn 5 miljun persuna…

Il-mewt ta’ mijiet ta’ ljunfanti f’daqqa fil-Botswana iktar kmieni din is-sena qajjem tħassib għal din l-ispeċi fl-Afrika li diġà tinsab fir-riskju tal-estinsjoni. Huwa kkalkulat li bejn Mejju u Ġunju mietu…

Wara l-Paradise Papers, il-Panama Papers, Swiss Leaks u Lux Leaks, issa ġew żvelati l-FinCen files, li juru kif banek kbar, fosthom l-HSBC, ħallew lil kriminali jitrasferixxu flushom madwar id-dinja. Il-FinCEN…

Il-konsulent xjentifiku tal-Gvern tar-Renju Unit wissa li sa nofs Ottubru, fil-pajjiż jista jkun hemm mal-50,000 każ ġdid ta’ coronavirus kuljum. Sir Patrick Vallance qal li sa xahar wara, dan iwassal għal…

Aktar