Trump
Trump jiġġustifika l-finanzjament għall-ħajt li jservi bħala fruntiera mal-Messiku

Il-President Amerikan Donald Trump indirizza lill-poplu Amerikan mill-Oval Office fil-White House, f’diskors li xxandar fuq it-televiżjoni biex jiġġustifika l-finanzjament għall-ħajt li jservi bħala fruntiera mal-Messiku. Trump qal li l-finanzjament huwa meħtieġ biex tkun indirizzata l-kriżi tal-fruntieri li ddeskriviha bħala kriżi tar-ruħ, kriżi umanitarja u kriżi li għandha implikazzjonijiet għas-sigurtà għall-Amerikani stess.

Skont Trump, l-Amerikani qed isofru ħafna attakki marbuta mal-kriminalità fosthom dik ta’ droga dieħla mill-Messiku.

Id-demokratiċi wkoll permezz ta’ reazzjoni mxandra fuq it-televiżjoni akkużaw lil Trump li qed iżomm lill-Amerikani ostaġġ biex jagħmel dak li jrid hu, hekk kif għat-tmintax -il jum, mijiet ta’ eluf ta’ ħaddiema tal-Gvern ma ħadux il-paga minħabba x-shutdown tal-Gvern.

Ix-shutdown huwa proċess li jseħħ meta l-kungress ma jkunx approva l-budget ta’ diversi aġenziji tal-Gvern u b’hekk l-operat ta’ dawn l-aġenziji federali jieqfu u l-ħaddiema li jaħdmu magħhom jispiċċaw ma jir1ievux il-paga dovuta tagħhom.  Trump għabba lid-demokratiċi bil-ħtija għal dan is-shutdown.

Trump qal li biex jibni ħajt tal-ħadid għandu bzonn $5.7 biljun , u b’hekk ikun wettaq dak li wiegħed fil-kampanja presidenzjali tiegħu.  Id-Demokratiċi iżda li jikkontrollaw il-kamra tar-rappreżentanti mhux se japprovaw li joħorġu dawn il-fondi.

Aħbarijiet Oħra
Barranin

Evakwazzjoni drammatika ta’ iktar minn 1,300 passiġġier minn cruise-liner li waqaf ħesrem ‘il barra mill-kosta Norveġiża lbieraħ. Il-cruise liner MV Viking Sky inqabad f’baħar imqalleb u riħ qawwi. B’kollox madwar…

Brexit

Aktar ma jmur aktar qed tiżdied il-pressjoni fuq il-Prim Ministru Ingliż Theresa May. Dan hekk kif qed jingħad li jista’ jirnexxilha tikseb aktar appoġġ fuq il-ftehim tagħha dwar Brexit jekk…

Barranin

Madwar 1,300 passiġġieri qed jiġu evakwati minn fuq vapur tal-cruises ‘il barra mill-kosta tal-punent tan-Norveġja. Il-Pulizija Norveġiża qalet li l-vapur kellu problemi fil-magna u għalhekk dawk kollha abbord qed jittellgħu…

Barranin

Anzjani fil-Kanada kellhom iktar minn sempliċi indiġestjoni wara ikla fiċ-ċentru tal-komunità tagħhom f’Whitestone. Uħud mill-anzjani kellhom jingħataw assistenza medika meta bdew iħossuhom storduti jew bdew jirremettu. Mill-investigazzjonijiet ħareġ li l-anzjani kienu…

Aktar