Lokali
Turisti grati lejn xufier ta’ taxi li għamel ġest mhux mistenni

Il-qalb tajba u l-ospitalità ta’ xufier ta’ taxi rebbħu lil Emanuel Calleja premju speċjali fl-ISTAR Awards organizzati mill-Awtorità tat-Turiżmu.

Ix-xufier kien nominat għal dan il-premju mill-koppja li reġgħet ġiet Malta biex tippreżentalu dan il-premju b’għarfien għal dak li għamel magħha wara inċident tat-traffiku.

L-ewwel btala f’Malta tal-koppja Bryan u Fiona Campbell fil-25 ta’ Lulju li għadda bdiet fuq sieq ħażina hekk kif ftit wara l-wasla tagħhom kienu involuti f’inċident tat-traffiku bejn sitt vetturi.

“We were stopped in traffic on the Siġġiewi bypass and we were involved in a horrible car accident. A truck didn’t realise that the traffic stopped and smashed in the back of our taxi, so we were pushed forward through several other vehicles before eventually we came to a stop crushed against a barrier,” qal is-sur Campbell.

Il-koppja Campbell u x-xufier tat-taxi Emanuel Calleja ġew rikoverati l-isptar għall-kura. Il-koppja tistqarr li ma stennietx il-ġest li għamel l-għada tal-inċident ix-xufier, biex jikkumpensa għall-esperjenza qarsa li għaddew minnha fl-inċident.

“We got a phone call – unexpected phone call – introducing himself saying I am Emanuel, I was your taxi driver yesterday, I’d like to take you out for dinner and me being British immediately said, no no, you do not have to do this, you know it is lovely for you to phone, and he said, no I’d really like to take you out for dinner. And his words were: I’d like to celebrate being alive,” qalet is-Sinjura Campbell.

U minn sempliċi ikla, ix-xufier għamilha wkoll ta’ gwida u dawwarhom ftit mal-Imdina.

“Għamilt erba’ sigħat magħhom imbagħad jiġifieri tajthom qisni – ħadt il-karozza tal-mara u mort bil-karozza tal-mara qisni taxi driver, u bil-gwida wkoll, u nispjegalhom daqsxejn il-bini l-antik u l-istorja tal-Imdina,” fisser ix-xufier Emanuel Calleja.

Il-koppja Campbell baqgħet grata lejn ix-xufier u nnominatu għall-premju speċjali STAR, li l-Awtorità tat-Turiżmu tagħti bħala rikonoxximent għall-qalb tajba u l-ospitalità ta’ persuni, bħas-Sur Calleja, mat-turisti.

Kienet il-koppja stess li fiċ-ċeremonja tal-għoti ta’ diversi Star Awards ippreżentat il-premju lis-Sur Calleja. Ma’ Television Malta huwa stqarr li qatt f’mitt sena ma stenna li kien se jingħata dan il-premju u jħossu kburi ħafna bih. “Li jiġfieri tellajtu l-airport u wrejtu lil sħabi.”

Fiċ-ċerimonja imtella mal-Awtorita tat-Turizmu ngħataw diversi ‘STAR Service Awards’ lil-persuni fl-industrija turistika li spikkaw għas-servizz tagħhom mat-turisti.

Il-Ministru tat-Turiżmu, Konrad Mizzi, qal li inzjattivi bħal dawn, mhux biss jagħtu rikonoxximent iżda jżidu l-motivazzjoni biex it-turist ikun stmat bl-aqwa mod possibbli u jagħmel l-aqwa riklam lil Malta.

Aħbarijiet Oħra
Lokali

L-Għaqdiet ta’ Min iħaddem u unions tal-ħaddiema jaqblu li hemm bżonn riforma fit-tribunal industrijali li ilu mwaqqaf mill-1975. F’konferenza organizzata mill-Assoċjazzjoni ta’ Min Iħaddem, MEA, ġiet diskussa l-bżonn ta’ din…

Lokali

Żewġ żgħażagħ mill-Mellieħa, kmieni l-Erbgħa filgħodu kienu involuti f’inċident fuq il-baħar meta baqgħu deħlin bid-dgħajsa f’ħajt tal-lukanda fil-Marfa. Lejl jistadu bil-froxxna għal ftit ma ntemmitx fi traġedja għal żewġt iħbieb…

Lokali

Il-Fondazzjoni RISE ser tiftaħ it-tieni dar għall-priġunieri li waslu fl-aħħar sena biex jiskontaw is-sentenza. Il-Fondazzjoni għandha programm li jgħin b’ħiliet biex jintegraw fis-soċjetà meta jiskuntaw is-sentenza. Il-Ministru Michael Farrugia qal…

Partit Laburista

Il-Partit Laburista permezz tal-Ministru għal Għawdex Justyne Caruana u l-kandidat għall-elezzjoni tal-Parlament Ewropew Alex Agius Saliba qal li l-Kap tal-Oppożizzjoni Adrian Delia huwa maqtugħ mir-realtà u ma jafx x’qed jiġri…

Aktar