Televiżjoni u Radju
TVM jibqa’ l-aktar stazzjon segwit – l-Aħbarijiet tat-8pm iżidu l-udjenzi

Stħarriġ dwar l-udjenzi mill-Awtorità tax-Xandir matul ix-xahar ta’ Lulju – fil-bidu tal-iskeda tas-sajf – reġa’ wera li TVM hu l-iktar stazzjon segwit, waqt li l-Aħbarijiet tat-8pm baqgħu l-aktar popolari, b’żieda sinifikanti ta’ aktar minn 30,000 telespettatur fuq Lulju tas-sena li għaddiet.

TVM u TVM 2 huma segwiti minn aktar minn 42%, waqt li ż-żewġ stazzjonijiet politiċi flimkien għandhom udjenza ta’ 17%.

L-istħarriġ tal-Awtorità tax-Xandir li sar f’Lulju, meta tradizzjonalment l-udjenzi jonqsu minħabba l-btajjel tas-sajf, wera li l-istazzjonijiet televiżivi tal-Public Broadcasting Services – b’udjenza ta’ ftit iktar minn 42% – huma l-aktar stazzjonijiet segwiti f’Malta, b’TVM u TVM 2 għandhom telespettaturi iktar mill-istazzjonijiet barranin kollha flimkien, li bejniethom għandhom ftit aktar minn 31%.

TVM għandu udjenza li hija d-doppju ta’ ONE u aktar mit-triplu ta’ NET Television.

Fl-istess xahar li ż-żewġ stazzjonijiet tal-PBS kienu qed ixandru l-partiti tat-Tazza tad-Dinja u programmi speċjali, TVM 2 ikklassifika fit-tielet post b’udjenza ta’ iktar minn 12% – żieda ta’ 11% meta mqabbel maċ-ċifri ta’ Lulju tas-sena l-oħra.

Mill-istħarriġ tal-Awtorità tax-Xandir joħroġ li fi kwalunkwe jum tal-ġimgħa, l-Aħbarjiet tat-8pm fuq TVM kellhom l-ogħla udjenza fost il-programmi u l-istazzjonijiet kollha, bl-ogħla udjenza tlaħħaq il-114,000 telespettatur, żieda ta’ 33,000 telespettatur meta mqabbel mal-ogħla udjenza mkejla f’Lulju tas-sena li għaddiet.

B’mod ġenerali, l-Aħbarjiet fuq l-istazzjonijiet kollha huma mfittxija minn kwart tat-telespettaturi waqt li l-programmi tad-drama huma t-tieni l-aktar segwiti.

Fl-udjenza tar-radju, Bay Radio, li jxandar l-iżjed programmi mużikali, hu segwit minn 25% tas-semmiegħa, segwit minn One Radio bi 15.5% u VIBE FM b’9.2%, waqt li Radju Malta ġie fir-raba’ post bi 8.5%. Magic Radio kiseb 2.6% tas-semmiegħa.

Aħbarijiet Oħra
Droga

L-Aġenziji li jaħdmu mal-vittmi tad-droga fosthom is-Sedqa u l-Caritas huma tal-fehma li l-użu rikreattiv tal-kannabis m’għandux ikun promoss għax ikattar il-kultura favur l-abbuż tad-droga. Din il-fehma intweriet waqt il-programm Dissett…

Partit Nazzjonalista

Il-President tal-Kunsill Ġenerali tal-Partit Nazzjonalista Kristy Debono qalet fi stqarrija li sabet li 84 mill-200 firma fil-petizzjoni li titlob biex jitlaqqa’ l-Kunsill Ġenerali biex jiddiskuti l-ġejjieni tal-Kap tal-Partit Nazzjonalista huma…

Lokali

Ta’ tnax-il sena sofriet diżabilità minħabba mard u wara ħafna snin ta’ żwieġ kellha tifel bil-kundizzjoni down syndrome. Minkejja l-isfidi, Lorraine Pellicano tgħid li Thomas berkilha ħajjitha u ħerqana li…

Lokali

Meqjusa fost l-ewwel tobba f’Malta li bdiet taħdem bla heda mal-vittmi tad-droga, ħidmet it-tabiba Maria Sciberras tfakkret f’konferenza f’għeluq il-25 sena mit-twaqqif tal-Aġenzija Sedqa u fil-jum internazzjonali kontra l-abbuż u…

Aktar