Barranin
Tweet tibdel ħajjet koppja u tarbija li ġiet abbandunata

Ta’ kull filgħodu Vinod Kapri, Indjan li jaħdem fix-xena tal-films minn New Delhi jiċċekkja Twitter. Biss ftit kien jaf li dik it-tfittxija fuq Twitter mhix tas-soltu u se tibdillu ħajtu. Waqt li kien qed iqelleb fi Twitter ra filmat grafiku ta’ tarbija tat-twelid li ġiet abbandunata u mitluqa f’baskett tal-iskart. Hija nstabet għarwiena u tibki.

Mid-dmugħ f’għajnejh huwa wera l-filmat lil martu, Sakshi Joshi li wkoll hi ġurnalista. Huma qalu lill-midja li lanqas felħu jaraw il-filmat kollu u fihom tnisslet ċertu rabja. F’moħħ il-koppja feġġ ħsieb wieħed li jaddottaw lit-tarbija. Ma kinitx faċli iżda ma qatgħux qalbhom. Joshi twittjat lura biex tipprova tikseb informazzjoni dwar din it-tarbija u qalet li jixtiequ jaddottawha. Fi ftit ħin it-tweet tagħha nxterdet mal-erbat irjieħ tad-dinja. Grazzi għall-ħiliet ġurnalistiċi tagħhom waslu biex jiskopru li t-tarbija nstabet f’Rajasthan, stat fl-Indja.

Il-koppja talbet lill-ħabib tagħha biex imur u jfittex it-tarbija. Fortunatament huwa sab lit-tarbija iżda kienet f’qagħda kritika ġewwa sptar. Mal-ewwel il-koppja wriet it-tobba l-ħsieb tagħha li taddotta t-tarbija. Min-naħa tagħhom it-tobba qalulhom li t-tifla qed teqleb għall-aħjar iżda mħassbin għax tiżen biss 1.6kg. Huma stiednu lill-koppja biex tmur u tara t-tarbija.

Il-koppja vvjaġġat mal-500km biex tiltaqa’ mat-tarbija. Xħin rawha huma ħassewhom fis-seba’ sema u kienu kuntenti se jtiru. Għalissa huma ddeċidew li jagħtuha isem temporanju – Pihu, isem ta’ film li dderiġa Vinod Kapri.

Aħbarijiet Oħra
Barranin

L-akkademiku Malti Joseph Mifsud qed ikun investigat mill-prosekuturi f’Agrigento, fl-Italja, fuq serq jew miżapproprjazzjoni ta’ fondi. Mifsud, li kien president tal-konsorzju tal-università ta’ Agrigento, diġà kien magħruf fuq livell internazzjonali,…

Barranin

L-Aġenzija Dinjija kontra d-Doping, WADA, ipprojbiet lir-Russja milli tieħu sehem f’kull avveniment sportiv dinji għal erba’ snin li gejjin. Dan ifisser li r-Russja mhix se tieħu sehem fl-Olimpijadi tal-2020 f’Tokyo…

Barranin

Raġel fir-Renju Unit li f’temp ta’ ġimagħtejn attakka sesswalment ħdax-il persuna, fosthom anzjana u numru ta’ tfal, kien ikkundannat għomru l-ħabs għal 33 darba. Joseph Mc Cann ta’ 35 sena…

Barranin

Sanna Marin ta’ 34 sena se ssir l-iżgħar Prim Ministru fid-dinja, meta se tmexxi gvern ta’ koalizzjoni fil-Finlandja. Marin kienet il-Ministru għat-Trasport u ntgħażlet mill-Partit Soċjal-Demokrtiku li tirrapreżenta biex tieħu…

Aktar