Kurżitajiet
Twelled triplets minkejja li ħadet pillola biex ma tinqabadx tqila

Ingliża kellha triplets minkejja li kienet qed tieħu pillola li suppost kellha tkun kontraċettiv.  Hannah Donaghue ta’ 29 sena minn Northampton bdiet tieħu dawn il-pilloli 8 snin ilu wara li welldet l-ewwel tarbija tagħha.

Qatt ma kienet toħlom li bil-kontraċettiv ma kellhiex 100% garanzija li mhux se tinqabad tqila.  L-ewwel darba li kienet qed tistenna tarbija kellha 18-il sena, u kienet diġà bdiet tieħu dan il-kontraċettiv biex ma tinqabadx tqila.

F’intervista lill-ġurnal The Sun, Hannah qalet li l-għarus tagħha ma kienx lest biex isir missier u għalhekk rabbiet lit-tifla tagħha waħidha.  Wara hija ma kellhiex l-intenzjoni li terġa’ ssir omm.  Xahrejn wara sabet li kienet qed tistenna tarbija.

L-omm irrakkuntat li biddlet il-pillola u l-ammont kemm tieħu, iżda kollox kien għalxejn għax il-kontraċettiv ma ħadimx fuqha.  Hannah iddeċidiet li ma twaqqafx it-tqala tat-tieni tarbija tagħha u bl-appoġġ tal-familja rabbiet waħidha żewġt ibniet.

B’hekk ma baqgħetx tieħu din il-pillola sakemm ġarrbet xi problemi ta’ saħħa u kienet kostretta terġa’ tibda teħodha.  Għal Hannah il-kbir kien għadu ġej hekk kif reġgħet skopriet li hi tqila u din id-darba kienet qed tistenna triplets.

Is-sieħeb tagħha Ben, wara li ħa xokk meta sar jaf li Hannah kienet tqila bi triplets, iddeċieda li jassumi r-responsabilità u jieħu ħsieb lit-tliet itrabi, kif ukoll iż-żewġt ibniet tas-sieħba tiegħu.

Aħbarijiet Oħra
Barranin

Mill-inqas 8 persuni ndarbu wara li pakkett suspettat b’bomba sploda fiċ-ċentru tal-belt Franċiża ta’ Lyon. Lyon hi t-tielet l-ikbar belt fi Franza. Il-Pulizija ssiġillaw ix-xena tal-inċident u bħalissa fuq il-post…

Unjoni Ewropea

Wara li lbieraħ bdew jivvutaw l-Ingliżi u l-Olandiżi, illum kien imiss lill-Irlandiżi u ċ-Ċeki biex joħorġu jivvutaw biex jaħtru d-deputati Ewroparlamentari. Fir-Repubblika Ċeka l-votazzjoni maqsuma fuq jumejn bil-għan li t-turnout…

Barranin

Is-sajf fl-Italja mistenni jkun ikkaratterizzat minn temp estrem, b’perjodu ta’ nixfa u xita qalila. L-esperti tat-temp fl-Italja ltaqgħu dan l-aħħar f’Ruma u qed ibassru li l-istaġun sajfi se jkun kemmxejn…

Barranin

Raġel fl-Istati Uniti ġie arrestat wara li mara rrapportat lill-Pulizija li kien għaddiha biż-żmien u ħadilha $80,000. L-arrestat huwa John Martin Hill ta’ 35 sena, bil-mara tgħid li kienet iltaqgħet…

Aktar