Barranin
Twiebet f’Lampedusa għall-immigranti mgħerrqa, il-Ġermanja twissi b’influss

F’sala fil-gżira Taljana ta’ Lampedusa tqiegħdu 13-il tebut bil-katavri tal-immigranti nisa li nstabu mejta, wara li d-dgħajsa li kienu fuqha, b’madwar ħamsin immigrant, għerqet f’baħar qawwi fl-aħħar traġedja fiċ-ċentru tal-Mediterran.

Il-gwardji tal-Kosta Taljana qalu li 13-il raġel u 9 nisa salvaw, waqt li għadd ta’ immigranti, ħafna minnhom tfal, għadhom ma nstabux.

Wieħed mill-immigranti salvati qal li ma kellux kliem biex jiddeskrivi t-trawma li għaddew minnha, u d-dulur meta jiftkar li fost il-mejta hemm żewġ itrabi tat-twelid u żewġt itfal li waqgħu mid-dgħajsa.

Il-Gvern Taljan qal li sa mill-bidu ta’ din is-sena waslu kważi 8,000 immigrant bid-dgħajjes, tnaqqis ta’ aktar minn sittin fil-mija meta mqabbel mas-sena li għaddiet.

Sadanittant, il-Gvern Ġermaniż wissa li l-Ewropa jaf terġa’ tesperjenza influss kaotiku tal-immigranti bħall-2015, meta l-Unjoni Ewropea kienet inqabdet fuq sieq waħda.

F’kummenti qabel il-laqgħa tal-Kunsill tal-Ministri tal-Intern, il-Ministru tal-Intern tal-Ġermanja, Horst Seehofer qal li n-nuqqas ta’ politika komuni Ewropea fuq l-immigrazzjoni jaf twassal għal influss mhux kontrollat ta’ immigranti madwar l-Ewropa.

It-twissija saret waqt li l-awtoritajiet tal-Greċja u Ċipru qed jerġgħu jirrappurtaw bosta wasliet ta’ immigranti mit-Turkija li magħha l-Unjoni Ewropea kienet laħqet qbil biex trażżan it-tluq tal-immigranti.

Fil-laqgħa kellha ssir diskussjoni fuq il-pjan maqbul f’Malta x-xahar li għadda bejn ħames ministri tal-intern biex ikun hemm sistema temporanja ta’ rilokazzjoni tal-immigranti li jiġu salvati fiċ-ċentru tal-Mediterran.

Aħbarijiet Oħra
Kurżitajiet

Din il-pupa transgender qajmet diskussjoni sħiħa f’Novosibirsk, fis-Siberja wara li ntlemħet għall-bejgħ f’ħanut tal-ġugarelli. Huwa maħsub li din il-pupa hija l-ewwel pupa transgender li qatt ħarġet għall-bejgħ fir-Russja. Fl-2018, fl-Arġentina wkoll…

Barranin

It-tilqima inclisiran mistennija tidħol fis-suq Ingliż biex tgħin lil dawk il-pazjenti li jbatu mill-kolesterol. Din it-tilqima mistennija tissostitwixxi l-pinnoli tal-kolesterol u trid tittieħed darbtejn f’sena biex il-pazjent jara l-effetti tagħha….

Barranin

Il-mexxej Suprem Iranjan Aya-tollah Ali Khameni ser imexxi t-talb tal-Ġimgħa fil-kapitali Tehran għall-ewwel darba fi tmien snin. Dan qed isir fl-isfond ta’ protesti f’diversi bliet Iranjani wara li ajruplan Ukren…

Barranin

Il-vulkan Taal fil-Filippini żbroffa l-Ħadd li għadda, segwit minn terremoti. Dan wassal biex il-ġżira ta’ Luzon timtela kollha rmied. Mal-iżbroff, ħafna residenti ħallew l-annimali domestiċi tagħhom fil-ħarba biex jevakwaw. Issa…

Aktar