Negozju
TWISSIJA: Dawn mhumiex ġugarelli għax tista’ tagħma bihom

Laser points ta’ din ix-xorta (ritratt) ma jistgħux jiġu impurtati u wisq inqas jinbiegħu mill-ħwienet lokali għax huma ipprojbiti.

Fi stqarrija, id-Diviżjoni għar-Regolamenti Tekniċi fi ħdan l-Awtorità ta’ Malta għall-Kompetizzjoni u għall-Affarijiet tal-Konsumatur (MCCAA) qed tfakkar lill-importaturi u lill-bejjiegħa li l-prodotti laser pointers li qed jinbiegħu bħala ġugarelli, huma projbiti mis-suq.  Dan minħabba li huma ta’ riskju serju għall-konsumaturi u jistgħu jikkawżaw għama parzjali jew saħansitra permanenti.

Bejjiegħa li għandhom dawn il-prodotti għall-bejgħ huma meħtieġa li jneħħuhom b’effett immedjat u jibagħtuhom lura lill-fornitur tagħhom.  L-importaturi għandhom jagħmlu l-arranġamenti meħtieġa biex dawn il-laser pointers jiġu rtirati mis-suq b’effett immedjat. Kull bejjiegħ jew importatur li jinstab li qed iqiegħed dawn il-laser pointers fuq is-suq se jkun responsabbli għal azzjoni legali.

Il-konsumaturi huma avżati wkoll biex ma jużawx dawn il-laser pointers u biex jirritornawhom għand il-bejjiegħ minn fejn xtrawhom.  Għal xi mistoqsijiet jew għal iktar informazzjoni wieħed jista’ jikkuntattja lill-MCCAA fuq 2395 2000 jew fuq [email protected].

Ara wkoll:

Tifel Ingliż kważi jagħma għal kollox b’laser point pen

Aħbarijiet Oħra
Kronaka

L-Oppożizzjoni qalet fi stqarrija li se titlob lill-Kumitat Parlamentari għall-fondi pubbliċi biex jinvestiga b’urġenza l-għoti tal-hekk imsejħa “golden handshake” lill-uffiċjali biex jirriżenjaw mill-impjieg. Dan wara, fost oħrajn, il-protest ġudizzjarju li…

Turiżmu

L-ogħla numru ta’ passiġġieri li daħlu Malta f’sena abbord cruise-liner mistenni jintlaħaq din is-sena. Bi kważi disa’ mitt elf passiġġier, il-Kap Eżekuttiv tal-Valletta Cruise Port, Stephen Xuereb, qal li l-2019…

Immigrazzjoni

Ir-relazzjonijiet bilaterali bejn Malta u l-Italja ġew diskussi fl-ogħla livell f’taħditiet f’Ruma bejn il-President George Vella u l-President Sergio Mattarella propju fl-istess ħin li fuq il-baħar kienet għaddejja kwistjoni oħra…

Kronaka

Raġel weġġa’ gravi f’inċident f’Marsaxlokk. Il-każ seħħ għall-ħabta tal-5.00pm fi Triq Delimara. Il-Pulizija tad-Distrett marret fuq il-post fejn mill-ewwel stħarriġ irriżulta li raġel ta’ 36 sena li jgħix il-Kalkara kien qed…

Aktar