Lokali
Twissija mill-MFSA dwar frodisti li qed iqarrqu bin-nies għall-flus

L-Awtorità għas-Servizzi Finanzjarji ta’ Malta (l-MFSA) tixtieq tavża lill-pubbliku dwar entità li għandha preżenza fuq l-internet bis-sit elettroniku http://aqa.capital/ u li b’mod qarrieqi qegħda tgħid li hi assoċjata ma’ entità regolata u liċenzjata.

Individwi frodisti qiegħdin jużaw id-dettalji ta’ entità ġenwina biex iqarrqu bil-pubbliku f’Malta u barra minn Malta.

L-MFSA tixtieq tavża lill-pubbliku li http://aqa.capital/ issostni li għandha preżenza f’Malta, iżda l-MFSA taħseb li din ir-rappreżentazzjoni hija falza. L-MFSA tikkonferma li http://aqa.capital/ mhix assoċjata mal-kumpanija liċenzjata u awtoriżżata AQA Capital Ltd (C70143), li hija kumpanija bbażata f’Malta u li għandha l-indirizz tal-uffiċċju rreġistrat ġewwa 171, Old Bakery Street, Valletta.

L-MFSA tikkonferma li http://aqa.capital/ hija klonu ta’ entità leġittima u għaldaqstant, il-pubbliku m’għandhux jidħol f’negozju jew transazzjonijiet mal-entità qarrieqa.

L-MFSA tappella lill-konsumaturi tas-servizzi finanzjarji biex qabel ma jidħlu fi transazzjoni ta’ servizzi finanzjarji jaċċertaw lilhom infushom li l-entità li magħha qed issir it-transazzjoni hija awtoriżżata li tipprovdi dawk is-servizzi mill-MFSA jew minn xi regolatur ieħor tas-servizzi finanzjarji kif applikabbli.

Investituri għandhom jaġixxu b’kawtela massima meta jsirulhom offerti ta’ servizzi finanzjarji b’metodi mhux konvenzjonali bħal telefonati jew permeżż tal-medja soċjali.

Lista ta’ entitajiet liċenzjati mill-MFSA hija disponibbli mingħand l-MFSA u tista’ tiġi aċċessata minn fuq is-sit uffiċjali tal-MFSA fuq http://www.mfsa.com.mt/pages/licenceholders.aspx.

Aħbarijiet Oħra
Elezzjoni

Ir-Renju Unit u l-Olanda huma l-ewwel pajjiżi li bdew jivvutaw fl-elezzjonijiet tal-Parlament Ewropew. Se jkunu kważi 427 miljun ċittadin tat-28 pajjiż tal-Unjoni Ewropea (UE) li se jivvutaw bejn illum u…

Elezzjoni

F’attività oħra fil-Fgura l-Erbgħa tard filgħaxija, il-Mexxej Laburista rrefera għad-dibattitu bejnu u bejn il-Kap tal-Oppożizzjoni u qal li matulu Adrian Delia kkonferma kemm il-Partit Nazzjonalista tilef lilu nnifsu. Fost affarijiet…

Elezzjoni

Il-Prim Ministru u l-Mexxej tal-Partit Laburista, Joseph Muscat qal li hu l-iktar prim ministru li reħa poteri minn idejh. Dr Muscat qal li l-prim ministri kollha ta’ qablu kellhom aktar…

Aktar