Immigrazzjoni
Vapur b’40 immigrant idur lejn Malta wara li ma tħalliex jidħol Lampedusa

Jinsab fi triqtu lejn Malta l-vapur Alan Kurdi b’40 immigrant abbord li ġew salvati fl-ibħra internazzjonali minn fuq dinghy li kien madwar 30 mil nawtiku ‘l bogħod mill-kosta Libjana.

L-għaqda Ġermaniża Sea-Eye fi stqarrija qalet li fost l-immigranti salvati hemm mara tqila, tlett itfal żgħar, raġel midrub u żewġ persuni oħra li ħelsuha minn ħalq il-mewt fil-Libja. L-immigranti huma min-Niġerja, il-Mali, il-Kongo, il-Ghana u l-Kosta tal-Avorju.

L-għaqda qalet li malli ġew salvati l-immigranti, il-vapur beda jbaħħar lejn l-Italja, li l-għaqda Sea-Eye qalet mill-bidu nett li kienet l-aktar port sikur fejn setgħu jiżbarkaw l-immigranti. X’ħin il-vapur kien 20 mil bogħod mill-port sigur ta’ Lampedusa, l-awtoritajiet Taljani ma ħallewx il-vapur jidħol fil-port.

Segwi l-filmat li ppubblikat l-għaqda Sea-Eye fuq il-midja soċjali:

[sea-eye] Die aktuelle Situation auf der Alan Kurdi

"Findet eine Lösung, schnell. Tragt das nicht auf den Rücken jener Menschen aus, die schon so viel erlitten haben" sagt Barbara Held zur aktuellen Situation auf der #AlanKurdi, die nun Richtung Malta fährt.

Gepostet von sea-eye am Freitag, 2. August 2019

Aħbarijiet Oħra
Festi

Hija t-tradizzjoni li għandha l-għeruq tagħha fil-bidu tal-ħamsinijiet u li tiċċelebra d-devozzjoni lill-Madonna tal-Grazzja permezz ta’ pellegrinaġġ bil-muturi u r-roti. Iċ-ċelebrazzjonijiet tal-festa tal-Madonna tal-Grazzja f’Ħaż Żabbar jikkonkludu l-istaġun tal-festi tas-Sajf….

Kronaka

Kenneth Cassar ta’ 38 sena mill-Isla ġie akkużat li fil-lejl ta’ bejn is-Sibt u l-Ħadd li għadda fl-Isla saq vettura b’manjiera perikoluża, laqat tliet karozzi u baqa’ sejjer. Cassar ġie…

Ambjent

Fl-għeluq tal-ħames konferenza annwali mis-Soċjetà MALTNUM, Malta Model United Nations Society, l-Ispeaker tal-Parlament Anġlu Farrugia qal li l-akbar sfida li qed taffaċċja d-dinja bħalissa hija t-tibdil fil-klima. Qal li d-dinja…

Kronaka

Ħidma mill-Pulizija tal-Iskwadra ta’ kontra d-Droga, ilbieraħ waranofsinhar, irriżultat fl-arrest ta’ ġuvni ta’ 17-il sena mill-Birgu u żewġ tfajliet, ta’ 21 u 26 sena minn Ħal Kirkop u l-Fgura rispettivament,…

Aktar