Lokali
Vapur b’932 immigrant jiddaħħal fi Sqallija, mara u tifel laħqu mietu

Il-vapur Diciotti, tal-Guardia Costiera, daħal fi Sqallija b’932 immigrant abbord li ġew salvati mill-Mediterran. Abbord ukoll żewġ katavri ta’ mara u tifel li ma rnexxilhomx jiġu salvati fil-ħin.

Fost l-immigranti salvati hemm 136 tfal mhux akkumpanjati u għadd ta’ nisa tqal.

Il-vapur bl-immigranti iddaħħal fil-port ta’ Katanja, minkejja li l-ġimgħa li għaddiet il-Gvern Taljan qal li kien għalaq il-portijiet għall-immigranti.

Fil-fatt wara din id-dikjarazzjoni l-Italja rrifjutat li ddaħħal il-vapur Aquarius, li kellu ‘l fuq minn 600 immigrant, u qalet li dawn kellhom jiddaħħlu f’Malta. Wara li Malta rrifjutat, Spanja offriet li tilqa’ l-immigranti hi, u l-Aquarius issa jinsab fi triqtu lejn Valencia.

Qed ikun irrappurtat li fuq il-kosta Libjana hemm mal-50,000 immigrant li qed jistennew biex jaqsmu l-Mediterran.

Aħbarijiet Oħra
Storja

Magna ta’ ajruplan tal-gwerra, li possibilment iġġarraf fit-Tieni Gwerra Dinija, kienet irkurprata minn qiegħ il-baħar fil-bokka tal-Port il-Kbir wara ħidma konġunta bejn l-Università ta’ Malta, Heritage Malta u l-Forzi Armati….

Teknoloġija

Wara l-ajruplani, issa anke l-vetturi bdew jiġu jiġu mgħammra b’kaxxa sewda, li normalment tkun f’nofs il-vettura. Għalkemm s’issa din mhijiex obbligatorja, aktar manifatturi tal-karozzi qed jinkluduha. Fost aktar miżuri biex…

Infrastruttura

Waħda mill-kawżi ewlenin ta’ ħruġ ta’ drenaġġ fit-triq u fil-baħar ġejja minn katusi tal-ilma tax-xita li qed jitqabbdu direttament mas-sistema tad-drenaġġ. Jirriżulta li ħafna ma jafux li dan hu l-każ…

NGOs

Seba’ għaqdiet mhux governattivi Maltin se jwettqu tmien proġetti fl-Afrika bl-għajnuna ta’ madwar nofs miljun ewro mill-programm tal-għajnuna għall-iżvilupp tal-Ministeru tal-Affarijiet Barranin. Il-proġetti jvarjaw minn skola ġdida għall-bniet f’żona rurali…

Aktar