Lokali
Riforma ġdida fl-iskema tal-Home Help

Tħabbret riforma fl-iskema tal-‘Home Help’ li biha l-anzjani jingħataw servizzi ta’ xogħlijiet żgħir fid-dar tagħhom. Minn Jannar tas-sena d-dieħla l-anzjani ser jingħataw l-opportunità li jagħżlu huma l-persuna li jixtiequ u jitħallsu mill-Gvern tas-sigħat li jaħdmu jekk jikkwalifikaw għal din l-għajnuna.

Minn Jannar li ġej l-anzjani se jkunu jistgħu jqabbdu huma stess ħaddiema biex jagħmlulhom xogħlijiet żgħar fid-dar tagħhom.

Il-Kap Eżekuttiv għad-Dipartiment tal-Anzjanità Attiva u Kura fil-Komunità, Dr Renzo Degabriele qal li l-anzjani li huma intitolati għall-Home Help ser jiġu offruti l-opportunità li jaqilbu għall-iskema l-ġdida matul is-sena d-dieħla.

“Ser jingħataw il-possibilità li jingaġġaw helper tal-għażla tagħhom. Huma ser jingħataw €5.50 għal kull siegħa li tiġi approvata u ma jħallsux il-kontribut ta’ €2.33 li kienu jħallsu fil-ġimgħa.”

Dr Degabriele qal li waħda mill-bidliet li saru fis-servizz tal-‘Home Help’ kienet li l-proċess ta’ assessjar jitħaffef biex l-applikant jingħata risposta mill-bord tas-servizz Home Help fi żmien qasir.

Is-Segretarju Parlamentari għall-persuni b’Diżabilità u Anzjanità Attiva Anthony Agius Decelis qal li l-budget għall-iskema tal-Home Help ser jiżdied b’nofs miljun ewro s-sena d-dieħla għal żewġ miljun ewro. Qal li fi tmien xhur, il-lista ta’ stennija tal-anzjani għal dan is-servizz minn 500 anzjan, naqset għal kważi 200. Huwa qal li b’kollox hemm 4,000 anzjan li jirċievu s-servizz tal-Home Help.

Aħbarijiet Oħra
Politika

Fuq Net Television illejla Dr Adrian Delia sostna li huwa ser jibqa’ jmexxi lill-Partit Nazzjonalista. Sostna li wara l-vot tad-deputati rċieva eluf ta’ messaġġi jagħmlulu kuraġġ biex ikompli bil-ħidma li…

Statistika

Id-daqqa tal-pandemija nħasset fl-oqsma ekonomiċi, mhux l-inqas in-negozji żgħar u medji, l-iktar il-ħwienet. Stħarriġ tal-Malta Chamber of SME’s juru li l-ikbar tħassib għan-negozji kien in-nuqqas fil-bejgħ. Stħarriġ online li għamlet…

Edukazzjoni

Bejn Marzu u Ġunju, bl-iskejjel magħluqa minħabba l-Covid-19, mal-elf u mitt tifel u tifla ġew mgħejjuna mill-Malta Trust Foundation b’servizz ta’ counselling għalihom u għall-ġenituri tagħhom. Counsellors professjonali qalu lil…

Aktar