Kurżitajiet
Veru li ż-żgħażagħ ma jgħaddux mingħajr mobile?

Studju li ġie kkummissjonat mill-King’s College ta’ Londra, juri li kważi kwart taż-żgħażagħ huma tant dipendenti fuq il-mobile tagħhom, li l-użu tal-mobile sar bħallikieku vizzju.

Il-psikjatri li għamlu dan l-istudju qalu li ż-żgħażagħ jibdew jippanikkjaw u jsiru mdejjqa jekk ma jkollhomx aċċess kontinwu.

Intqal ukoll kif dawn mhumiex kapaċi jikkontrollaw l-ammont ta’ ħin li jqattgħu iħarsu lejn l-iscreen tagħhom. Wissew kif dan kapaċi jkollu effetti detrimentali fuq is-saħħa mentali tal-istess żgħażagħ.

Ir-riċerka analizzat 41 studju differenti, li nvolvew madwar 42,000 persuna. Irriżulta li 23% ta’ dawn kollha kienu vvizzjati bil-mobile tagħhom, tant li dan l-użu beda jimpatta ħażin attivitajiet oħra.