Unjoni Ewropea
Vincent Marmara appuntat korrispondent Malti għal Europe Elects

Dr Vincent Marmara ġie appuntat mill-organizzazzjoni Europe Elects bħala l-korrispondent ta’ Malta.

Europe Elects hija organizzazzjoni volontarja li tiġbor, tanalizza u xxerred statistika relatata mal-elezzjonijiet fil-pajjiżi tal-Unjoni Ewropea. L-istatistika tiġi ssimplifikata u ppreżentata b’mod li tinfthiem mill-pubbliku.

Dr Marmara, li għandu dottorat fil-matematika bi speċjalizzazzjoni fl-istatistika, se jkun responsabbli biex jagħti tagħrif marbut ma’ sondaġġi u riżultati tal-elezzjonijiet li jsiru f’Malta.