Barranin
Vot biex ikun deċiż jekk Salvini jgħaddix ġuri fuq ħtif ta’ 131 immigrant

Kumitat speċjali fi ħdan is-senat Taljan qed jivvota biex jiddeċiedi dwar jekk l-eks Ministru tal-Intern Taljan, Matteo Salvini, għandux jgħaddi ġuri dwar l-attentat ta’ ħtif ta’ grupp ta’ immigranti abbord vapur tal-gwardja tal-kosta Taljana.

Il-maġġoranza tal-membri madankollu qalu li m’humiex se jattendu għas-smigħ fis-senat u b’nuqqas ta’ quorum, il-każ se jkollu jkun pospost għall-vot fis-17 ta’ Frar. Dawk li jopponu lil Salvini qed jakkużawh li qed jilgħabha tal-martri.

Il-każ imur lura għal Lulju meta Salvini kien ikkommetta l-kredibbiltà politika tiegħu mal-impenn biex jikkontrolla l-immigrazzjoni illegali mill-Afrika, u ordna li grupp ta’ 131 immigrant jinżamm abbord il-vapur Gregoretti sakemm l-awtoritajiet tal-istati Ewropej qablu li jitqassmu bejniethom.

Waqt li indirizza rally fil-belt ta’ Maranello nhar is-Sibt, Salvini sfida lill-awtoritajiet biex jgħadduh ġuri. “I say this to those senators who have to decide whether to send me to trial or not, I ask you formally, send me to trial, send me to trial because the Italian people will be on trial with me.”

Il-vot tal-kumitat se jingħata f’mument kruċjali, hekk kif l-elezzjonijiet reġjonal tal-ġimgħa d-dieħla jistgħu jwasslu biex tisfaxxa l-koalizzjoni bejn il-moviment tal-ħames stilel u l-partit xellugi demokratiku.

Aħbarijiet Oħra

John Grima, artist Malti ta’ 88 sena, tilef ħajtu bil-Coronavirus fil-Kanada. Grima, li kellu 88 sena, emigra lejn il-Kanada mir-Rabat 70 sena ilu, fejn għex f’Toronto għal dawn is-snin kollha,…

COVID-19

Il-każijiet tal-Coronavirus komplew jiżdiedu fl-Ewropa li għadha l-agħar milquta, bi Spanja u r-Renju Unit jirrappurtaw l-akbar għadd ta’ imwiet f’ġurnata waħda filwaqt li l-Italja u l-Ġermanja ġeddew il-perjodu tal-lockdown għal…

COVID-19

Il-Coronavirus waslet sabiex jitħassru diversi attivitajiet minn madwar id-dinja. Minn sport għall-attivitajiet ta’ mużika, kollha ġew affettwati minn din il-pandemija. Anke l-Eurovision laqqatha u spiċċa mhux se jsir.  Madankollu d-delettanti…

COVID-19

Il-President Amerikan Donald Trump appella lill-Amerikani biex isegwu l-pariri li qed jinħataw fl-isfond tal-COVID-19 għaliex dawn jafu jagħmlu d-differenza bejn ħajja u mewt. Uffiċjali Amerikani qed ibassru li mill-inqas mitt…

Aktar